16.01.2026 | 21:15
Արծաթապատ եղջյուր, հեծանվային սաղավարտ․ Փաշինյանի ստացած նվերները փոխանցվել են Վարչապետի աշխատակազմի օգտագործմանը
Ուկրաինան արձագանքել է Չինաստանի «խաղաղության ծրագրին»
Քաղաքականություն
24.02.2023 | 20:08
Ցանկացած «խաղաղության ծրագիր», որը նախատեսում է զինադադար և սահմանազատման նոր գիծ, կշարունակի Ուկրաինայի տարածքում օկուպացիան և ռուսական ցեղասպանությունը։ Այս մասին Twitter-ում գրել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը, գրում է Korrespondent-ը։
«Ցանկացած «խաղաղության ծրագիր», որը նախատեսում է միայն զինադադար և որպես հետևանք՝ սահմանազատման նոր գիծ և ուկրաինական տարածքի շարունակական օկուպացիա, դա խաղաղություն չէ, այլ պատերազմի սառեցում, Ուկրաինայի պարտություն, ռուսական ցեղասպանության հետագա փուլերի շարունակություն»,- հայտարարել է Պոդոլյակը։
Նա հավելել է, որ Ուկրաինայի դիրքորոշումը բոլորին հայտնի է՝ ՌԴ-ի վերադարձ 1991 թվականի սահմաններ։
Հիշեցնենք, որ փետրվարի 24-ին Չինաստանը ներկայացրել է Ուկրաինայի տարածքում պատերազմը լուծելու «խաղաղության ծրագիր»։ Փաստաթուղթը որպես հիմնական կետեր նախատեսում է հրադադարի ռեժիմ և խաղաղ բանակցություններ Ուկրաինայի և Ռուսաստանի միջև։
Ի պատասխան այս նախաձեռնության՝ ԱՄՆ-ն ասել է, որ Չինաստանը կարող է կանգ առնել ծրագրի առաջին կետում․ այն է՝ հարգել բոլոր ազգերի ինքնիշխանությունը։
Տաթև Ֆռանգյան
