14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
Ռուսաստանի քաղաքներում Ուկրաինային աջակցության ակցիաներ են սկսվել
Քաղաքականություն
24.02.2023 | 14:41
Կազանում տեղի բնակիչները Լենինյան այգի են բերել ուկրաինական ավերված քաղաքների լուսանկարներ և հակապատերազմական ցուցանակներ։ Այս մասին հայտնում է Avtozak LIVE Telegram ալիքը, փոխանցում է BBC-ի ռուսական ծառայությունը։
Տոմսկում էլ Ուկրաինայի հետ համերաշխության ինքնաբուխ հուշահամալիր է հայտնվել Պոկլոնի խաչի մոտ, գրում է TV2-ը։
Ոստիկաններն արդեն սկսել են հերթապահել քաղաքի այն հատվածներում, որտեղ բնակիչները կարող են բողոքի ակցիա անցկացնել։
Խաբարովսկում ձերբակալել են ակտիվիստի, որը պատերազմի տարելիցի կապակցությամբ պիկետի է դուրս եկել։
Վլադիվոստոկում էլ ձերբակալվել է «Մի՛ կռվեք» ցուցապաստառով միայնակ ակցիա անող ակտիվիստը։ Հաղորդվում է, որ երկու ակտիվիստներն էլ ոստիկանությունից ազատ են արձակվել՝ առանց արձանագրության կազմման։
