24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Լուկաշենկոն հայտարարել է, որ Չինաստանի նախագահը հանդես է գալու Ուկրաինայի հակամարտության վերաբերյալ հայտարարությամբ
Քաղաքականություն
23.02.2023 | 22:24
Չինաստանի նախագահ Սի Ցզինպինն «այսօր կամ վաղը» հանդես կգա Ուկրաինայի հակամարտության վերաբերյալ հայտարարությամբ կամ ելույթով։ Այս մասին հայտարարել է Բելառուսի նախագահ Ալեքսանդր Լուկաշենկոն, փոխանցում է BelTA-ն։
«Եթե Չինաստանը որոշել է բարձրաձայնել իր դիրքորոշումն այս կերպ՝ բարձրագույն պաշտոնյայի՝ Սի Ցզինպինի շուրթերով, դա լուրջ հետևանքներ կունենա»,- կարծում է Բելառուսի ղեկավարը։
Նա նաև կարծիք է հայտնել, որ լուրջ հետևանքներ կլինեն, եթե ՉԺՀ նախագահի ուղերձը չլսվի նրանց կողմից, «ում այն ուղղված է»։
«Ուստի, առաջ ընկնելով՝ խորհուրդ եմ տալիս նրանց, ում ուղղված կլինեն Սի Ցզինպինի խոսքերը, լրջորեն վերաբերվել դրանց և որոշակի քայլեր ձեռնարկել։ Սա լուրջ ձայն կլինի՝ հանուն խաղաղության այս տարածաշրջանում»,- ասել է Բելառուսի նախագահը։
Լուկաշենկոն կարծիք է հայտնել, որ Չինաստանի ղեկավարի հայտարարությունը միտված չի լինի առճակատման, ինչպես դա եղավ Կիև կատարած այցից հետո Լեհաստանում ԱՄՆ նախագահ Ջո Բայդենի ելույթում։ Բելառուսի նախագահը Սի Ցզինպինի առաջիկա ելույթը որակել է որպես «Չինաստանի ողջ խաղաղասեր քաղաքականության պսակային ձեռքբերումը»։
Ռուսաստանը, կարծում է Լուկաշենկոն, հակված է դադարեցնել Ուկրաինայում հակամարտությունը, և այժմ քայլն ամերիկյան կողմին է, որը պետք է քայլեր ձեռնարկի դեպի խաղաղություն։
Տաթև Ֆռանգյան
