07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ֆինլանդիան հայտարարել է Ուկրաինայի ԶՈՒ-ին Leopard-2 տանկեր փոխանցելու մասին
Քաղաքականություն
23.02.2023 | 16:27
Ֆինլանդիայի իշխանությունները հայտարարել են Ուկրաինային ռազմական օգնության 13-րդ փաթեթը փոխանցելու մասին։ Դրանում առաջին անգամ կներառվեն տանկեր՝ երեք միավոր Leopard-2։ Այս մասին հայտնել է Ֆինլանդիայի Պաշտպանության նախարարությունը։
Նշվում է, որ նման որոշում է կայացրել նախագահ Սաուլի Նիինիստեն՝ կառավարության առաջարկով։
«Որպես Leopard զրահատեխնիկայի միջազգային համագործակցության մաս՝ Ֆինլանդիան Ուկրաինային կփոխանցի երեք Leopard-2 տանկ՝ ներառյալ դրանց օգտագործման և պահպանման ուսուցումը: Այս երեք մեքենաները ներառված են օգնության փաթեթում, որն արդեն որոշված է»,- ասվում է հաղորդագրության մեջ։
Ֆինլանդիայի պաշտպանության նախարար Միկկո Սավոլան իր հերթին ասել է, որ ավելի շատ զրահամեքենաներ կուղարկվեն, և Հելսինկին կշարունակի մասնակցել Leopard տանկերի շուրջ համագործակցությանը։
Տաթև Ֆռանգյան
