06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Իսպանիայի վարչապետը ժամանել է Կիև
Քաղաքականություն
23.02.2023 | 14:18
Ուկրաինա ՌԴ ներխուժման տարելիցի նախօրեին Կիև է ժամանել Իսպանիայի վարչապետը Պեդրո Սանչեսը, գրում է BBC-ի ռուսական ծառայությունը։
Երկաթուղային կայարանում Սանչեսին դիմավորել է ուկրաինացի դիվանագետների պատվիրակությունը՝ ԱԳ փոխնախարար Եվգենի Պերեբիյնիսի գլխավորությամբ։ Վերջինը շնորհակալություն է հայտնել Իսպանիայի վարչապետին ուկրաինացի ժողովրդին աջակցելու համար։
Սանչեսն իր հերթին խոստացել է, որ իր երկիրը կլինի «Ուկրաինայի և նրա ժողովրդի կողքին, քանի դեռ խաղաղությունը չի վերադարձել Եվրոպա»։
Նշվում է, որ Ուկրաինայի նախագահ Վլադիմիր Զելենսկիի հետ հանդիպումից զատ՝ նախատեսվում են Սանչեսի այցերը Բուչա և Իրպեն։
Իսպանիան ներառված է, այսպես կոչված, «տանկային կոալիցիայում», այսինքն՝ այն երկրների թվում է , որոնք համաձայնել են տանկեր փոխանցել Ուկրաինային։ Նախօրեին երկրի ՊՆ ղեկավար Մարգարիտա Ռոբլեսը նշել էր, որ Մադրիդը Կիևին է փոխանցելու Leopard 2A4 6 տանկ, գուցե և՝ ավելի, եթե դրա անհրաժեշտությունն առաջանա։
Էմմա Չոբանյան
