30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
ԱՄՆ Պետդեպը հայտնում է Բրյուսելում Հայաստանի և Ադրբեջանի ղեկավարների առաջիկա հանդիպման մասին
Քաղաքականություն
23.02.2023 | 11:08
ԱՄՆ Պետքարտուղարության խոսնակ Նեդ Փրայսը ճեպազրույցում անդրադարձել է Մյունխենում պետքարտուղար Էնթոնի Բլինքենի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի եռակողմ հանդիպմանը։ Խոսելով հանդիպման վերաբերյալ Բլիքենի նշած էական առաջընթացի մասին՝ Փրայսը նշել է, որ դա արտացոլում է այն, ինչ տեսել ենք վերջին ամսիներին։
«Սա կողմերի փոխգործակցության արդյունքն է: Սա ԱՄՆ-ի երկկողմ ներգրավվածության, ԱՄՆ-ի հետ եռակողմ ներգրավվածության աշխատանքի արդյունքն է նաև, որ ԵՄ-ն արել է իր դիվանագիտության մեջ։ Եվ այն, ինչը հույս ունենք տեսնել, երբ կողմերը միասին հավաքվեն Բրյուսելում առաջիկա օրերին ԵՄ նախագահ Շառլ Միշելի կազմակերպած բանակցություններում։ Ուստի մենք հույս ունենք տեսնել այդ առաջընթացի շարունակությունը։ Մենք ամեն կերպ շարունակում ենք աջակցել այս երկխոսությանը, այս դիվանագիտությանը համապարփակ լուծման ուղղությամբ»,- ասել է Նեդ Փրայսը։
Էմմա Չոբանյան
