27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ԵՄ-ն 12 մլրդ եվրո է խնայել Ռուսաստանից գազի ներկրումից հրաժարվելուց հետո
Քաղաքականություն
22.02.2023 | 21:51
Ուկրաինա ռուսական ներխուժման պատճառով ԵՄ-ի կողմից ռուսական գազի ներկրումից հրաժարվելուց հետո եվրոպական երկրներին հաջողվել է 12 միլիարդ եվրո խնայել՝ վերականգնվող աղբյուրներից էլեկտրաէներգիայի արտադրության ընդլայնման արդյունքում։ DW-ի ռուսական ծառայության հաղորդմամբ՝ նման եզրակացության են հանգել հետազոտության հեղինակները, որը ներկայացրել է Ember Climate վերլուծական կենտրոնը։
«Շնորհիվ ընդլայնվող հզորությունների և բարենպաստ եղանակային պայմանների՝ հողմային և արևային էլեկտրակայանները պատերազմի մեկնարկից հետո ռեկորդային քանակությամբ էներգիա են արտադրել ԵՄ-ում»,- ասվում է զեկույցում։
Նշվում է, որ 2022 թվականի մարտից մինչև 2023 թվականի հունվարի վերջ ԵՄ-ն 10 տոկոսով ավելի շատ քամու և արևային էլեկտրաէներգիա է արտադրել, քան 2021-2022 թվականների նույն ժամանակահատվածում։ Ընդհանուր առմամբ, նշված ամիսներին լրացուցիչ 50 տերավատտ/ժամ էլեկտրաէներգիա է մշակվել, որը համապատասխանում է 12 մլրդ եվրո արժողությամբ 90 տերավատ/ժամ գազի ներկրմանը։
Կենտրոնի տվյալներով՝ բնական գազի ներկրումը ԵՄ կրճատվել է 5 տոկոսով, իսկ ռուսական գազի մասնաբաժինը մարտից հունվար ընկած ժամանակահատվածում կազմել է 16 տոկոս, մինչդեռ Ուկրաինայում լայնածավալ պատերազմի մեկնարկից առաջ այդ ցուցանիշը հասնում էր 40 տոկոսի։
Հավելենք, որ Ուկրաինա ռուսական ներխուժման սկզբից ի վեր ԵՄ-ն լայնածավալ պատժամիջոցներ է սահմանել ՌԴ-ի դեմ, որը նախատեսում է ռուսական էներգառեսուրսների ներմուծման փուլային դադարեցում։
Էմմա Չոբանյան
