15.09.2026 | 16:53
Ըստ ՔԿ-ի՝ տղամարդը կնոջը դուրս է գցել ընթացող մեքենայից՝ 4-ամյա դստեր ներկայությամբ
Լաչինի միջանցքը փակելու ոչ մի պատճառ չեմ տեսնում․ Լյուքսեմբուրգի ԱԳ նախարար․ ՏԵՍԱՆՅՈՒԹ
Քաղաքականություն
22.02.2023 | 15:21
Լյուքսեմբուրգը և եվրոպական գործընկերներն ադրբեջանական իշխանություններին կոչ են արել ապահովել ազատ և անվտանգ տեղաշարժի հնարավորությունը Լաչինի միջանցքով՝ համաձայն 2020թ․ նոյեմբերի 9-ի եռակողմ հայտարարության։ Այս մասին ՀՀ ԱԳՆ-ում այսօր արտգործնածարար Արարատ Միրզոյանի հետ համատեղ մամուլի ասուլիսի ընթացքում հայտարարեց պաշտոնական այցով Հայաստան ժամանած Լյուքսեմբուրգի Մեծ Դքսության արտաքին և եվրոպական գործերի նախարար Ժան Ասելբորնը։
«Չեմ տեսնում ոչ մի պատճառ Լեռնային Ղարաբաղում ապրող մարդկանց համար միջանցքը փակելու։ Սա կապ է Հայաստանի հետ, և սա պետք է հարգել», – նշեց նախարարը՝ հավելելով, որ պետք է կարողանալ լուծումներ գտնել։
Ինչ վերաբերում է Շառլ Միշելի միջնորդությամբ խաղաղության եռակողմ բանակցություններին՝ լյուքսեմբուրգցի նախարարն ասաց, թե դրանք խրախուսելի ընթացք ունեցան։
«Կցանկանայինք, որ դրանք շարունակվեն, որպեսզի կարողանանք ամուր և տևական խաղաղության համաձայնագրի հասնենք», – նշեց Ժան Ասելբորնը։
Մանրամասները՝ տեսանյութում։
