17.05.2026 | 23:22
«Կրասնոդարը» դարձավ Ռուսաստանի փոխչեմպիոն, Սպերցյանը գոլ խփեց վերջին տուրում․ ՏԵՍԱՆՅՈՒԹ
Նովոսիբիրսկ են հասցվել հարյուրից ավելի դագաղներ՝ զինվորների մարմիններով
Քաղաքականություն
22.02.2023 | 14:59
Ուկրաինայից Նովոսիբիրսկի «Տոլմաչևո» օդանավակայան են հասցվել ռուս զինծառայողների մարմիններով հարյուրից ավելի դագաղներ։ Այս մասին հայտնել է Sibir.Realii-ն՝ վկայակոչելով տեղական լրատվամիջոցներից մեկում հրապարակված ականատեսի տեսանյութը, փոխանցում է DW-ի ռուսական ծառայությունը։
Նովոսիբիրսկից նկարահանված կադրերում երևում են առանձին սենյակում գտնվող փայտե տուփեր, որոնց մեծ մասի վրա կցված են մահվան վկայականներ: Sibir.Realii-ի լրագրողներին հաջողվել է հաստատել զոհերից մեկի ինքնությունը։
«Խակասիայից 39-ամյա Սերգեյ Յումաշևն է, Սերգեյի դասընկերները հայտնել են, որ փետրվարի 25-ին նրա մարմինը կտեղափոխեն հայրենի Արշանովո գյուղ։ Նա մահացել է հունվարի 27-ին Բախմուտի մոտ»,- գրում է պարբերականը։
Տաթև Ֆռանգյան
