16.01.2026 | 18:09
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
Պուտինը չեղարկել է հրամանը, որը ենթադրում էր ԱՄՆ-ի ու ԵՄ-ի հետ մերձեցում, ինչպես նաև Մոլդովայի և այլ երկրների տարածքային ամբողջականության հարգում
Քաղաքականություն
22.02.2023 | 13:45
ՌԴ նախագահ Վլադիմիր Պուտինը հրամանագիր է ստորագրել, որով անվավեր է ճանաչվել 2012 թվականի մայիսի հրամանագրերից մեկը՝ «Ռուսաստանի Դաշնության արտաքին քաղաքականության իրականացման միջոցառումների մասին»: Պուտինը նոր հրամանագիր է ստորագրել «Ռուսաստանի Դաշնության ազգային շահերն ապահովելու համար՝ կապված միջազգային հարաբերություններում տեղի ունեցող խորը փոփոխությունների հետ»։
Որոշումն ուժի մեջ է մտել 2023 թվականի փետրվարի 21-ից, գրում է Meduza-ն։
Պուտինն այս որոշմամբ չեղարկել է բազմաթիվ հանձնարարականներ, որոնք տրվել էին ԱԳՆ-ին և այլ գերատեսչություններին 2012 թվականին։ Մասնավորապես, 11-ամյա հրամանագիրը նախատեսում էր ԱՄՆ-ի հետ ռազմավարական սպառազինությունների սահմանափակման պայմանագրի «հետևողական իրականացում»։ Ավելի վաղ՝ փետրվարի 21-ին, Դաշնային ժողովին ուղղված ուղերձում Վլադիմիր Պուտինը հայտարարել էր, որ Ռուսաստանը կդադարեցնի մասնակցությունն այս պայմանագրին։
Լրատվամիջոցներն ուշադրություն են հրավիրել այն հանգամանքի վրա, որ նոր հրամանագրով չեղարկվում են նաև Ռուսաստանի արտաքին քաղաքականության այլ դրույթներ, որոնք որոշվել են 2012 թվականին։
Դրանցից են՝ ստեղծել բարենպաստ արտաքին պայմաններ Ռուսաստանի Դաշնության երկարաժամկետ զարգացման համար; հաստատապես պաշտպանել ՄԱԿ-ի կանոնադրության հիմնարար սկզբունքները, որոնք պահանջում են պետությունների միջև բարիդրացիական հարաբերությունների զարգացում հավասարության, նրանց ինքնիշխանության և տարածքային ամբողջականության հարգման հիման վրա; շարունակել ակտիվորեն ուղիներ փնտրել՝ Մերձդնեստրի հիմնախնդիրը Մոլդովայի ինքնիշխանության, տարածքային ամբողջականության և չեզոք կարգավիճակի հարգման հիման վրա լուծելու համար։
Տաթև Ֆռանգյան
