14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ը Ռուսաստանի հետ քննարկել է Բայդենի այցը Կիև․ Associated Press
Քաղաքականություն
20.02.2023 | 20:29
ԱՄՆ-ի և Ռուսաստանի իշխանությունները շփվել են մինչև նախագահ Ջո Բայդենի՝ Ուկրաինա մեկնելը։ Այս մասին հայտնում է Associated Press-ը։
Սպիտակ տունը մանրամասներ չի հայտնել, սակայն հայտարարել է, որ Բայդենի այցից անմիջապես առաջ «ռուսների հետ հիմնական շփումը տեղի է ունեցել՝ ապակոնֆլիկտայնությունն ապահովելու համար», որպեսզի խուսափեն ցանկացած սխալ հաշվարկներից, որոնք կարող են հանգեցնել երկու միջուկային տերությունների միջև ուղիղ հակամարտության, ասվում է հրապարակման մեջ:
Նշվում է, որ Կիև Ջո Բայդենի այցը հազվագյուտ դեպք էր, երբ ԱՄՆ նախագահն այցելել է հակամարտության գոտի, որտեղ ամերիկացիները կամ նրանց դաշնակիցները չեն վերահսկում օդային տարածքը։ Միևնույն ժամանակ, ամերիկյան ինքնաթիռները վերահսկել են իրավիճակը Լեհաստանից։
Հիշեցնենք, որ փետրվարի 20-ի առավոտյան Ջո Բայդենը չհայտարարված այցով ժամանել է Կիև։ Սա նրա առաջին այցն էր Ուկրաինա նախագահության ընթացքում։
Այցի ընթացքում Բայդենը հայտարարել է Ուկրաինային 500 միլիոն դոլարի նոր ռազմական օգնության մասին։
Տաթև Ֆռանգյան
