14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Ուրախ ենք, որ քանդվել են Հայաստանի և Թուրքիայի միջև անտեսանելի պատերը․ Պոլսո Հայոց պատրիարք
Քաղաքականություն
20.02.2023 | 22:58
Պոլսո Հայոց պատրիարք Սահակ Մաշալյանը հարցազրույց է տվել CNN Türk-ին փետրվարի 6-ին Թուրքիայում տեղի ունեցած ավերիչ երկրաշարժի վերաբերյալ։
Նա նշել է, որ կյանքը շարունակվում է, և միասին պետք է վերակառուցել երկիրը երկրաշարժից փրկվածների համար։
«Մենք վերակառուցելու ենք ավերված քաղաքները։ Սա մեր պատմական պարտավորությունն է, մեր պարտքը մարդկությանը»,- ասել է Հայոց պատրիարքը։
Նա նշել է, որ երկրաշարժից հետո Հայոց պատրիարքարանում ժողով է տեղի ունեցել օգնության կազմակերպման համար։
«Որպես պատրիարքարան՝ մենք մեր հիմնադրամների և բարերարների օգնությունը փոխանցեցինք «Թուրքիա՝ մեկ սիրտ» արշավին»,- ասել է նա։
Հավելենք, որ հեռուստաարշավի ընթացքում Հայոց պատրիարքարանը 3 մլն լիրա է փոխանցել։
Հայոց պատրիարքը նաև հայտնել է, որ երկրաշարժի հետանքով հայ համայնքից կա 11 զոհ, Իսկենդերունի և Մերսինի հայկական եկեղեցիներն էլ վնասվել են։ Նա նաև անդրադարձել է Հայաստանից ուղարկված օգնությանն ու Երևանի և Անկարայի հարաբերությունների կարգավորման գործընթացին՝ նշելով, որ աղետը միավորում է մարդկությանը։
«Երկրաշարժը կոտրել է ոչ միայն շենքերը, այլև մարդկանց սրտերի արկերը։ Իհարկե, մենք՝ Թուրքիայի հայերս, ուրախ ենք, որ քանդվել են Թուրքիայի և Հայաստանի միջև անտեսանելի պատերը։ Սրանք դրական զարգացումներ են։ Կցանկանայի, որ մենք կարողանայինք գիտակցել որոշ արժեքներ՝ նախքան վատ օրեր տեսնելը և մեր մարդկությունն արթնացնելը»,- ասել է Սահակ Մաշալյանը։
Էմմա Չոբանյան
