25.11.2024 | 20:28
ՆԱՏՕ-ի ղեկավարությունն արևմտյան խոշոր ընկերություններին կոչ է արել պատրաստվել պատերազմի
Պատրաստ ենք քննարկել Ղարաբաղի հայերի իրավունքներն ու անվտանգությունը, բայց ոչ ՌԴ-ից բերված մարդու հետ․ Ալիև
Քաղաքականություն
18.02.2023 | 21:43
Մյունխենի անվտանգության համաժողովի շրջանակներում ընթացող Հարավային Կովկասի անվտանգության առնչվող պանելային քննարկման ժամանակ Ադրբեջանի նախագահ Իլհամ Ալիևը հայտարարել է, թե Բաքուն պատրաստ է քննարկել Արցախի հայերի անվտանգության ու իրավունքների հարցը։
«Միևնույն ժամանակ, մեր միջազգային գործընկերների հետ պայմանավորվածություն է ձեռք բերվել, որ քննարկումներ կլինեն Ղարաբաղում հայ փոքրամասնության իրավունքների և անվտանգության վերաբերյալ։ Մենք պատրաստ ենք դա անել, բայց հայ համայնքի ներկայացուցիչների հետ, որոնք ծնվել են Ղարաբաղում և ապրել են իրենց ողջ կյանքը Ղարաբաղում, և ոչ թե մի մարդու հետ, որը Ռուսաստանից է բերվել՝ Ղարաբաղում ղեկավար պաշտոն զբաղեցնելու համար»,-ասել է Ալիևը՝ նկատի ունենալով Ռուբեն Վարդանյանին։
Չնայած դրան՝ Ալիևը կրկին ասել է, թե Լեռնային Ղարաբաղ գոյություն չունի, Ադրբեջանում կա միայն Ղարաբաղի շրջան, որտեղ հայ բնակչություն կա, ինչին ի պատասխան ՀՀ վարչապետը նշել է, որ եռակողմ փաստաթղթում կա ԼՂ անվան հիշատակում, ինչի տակ ստորագրել է նաև Ադրբեջանի նախագահը։
Էմմա Չոբանյան
