08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վրաստանում պաշտոնապես աշխատում է օտարերկրյա 41 հազար քաղաքացի
Քաղաքականություն
13.02.2023 | 22:18
Վրաստանում պաշտոնապես աշխատում է օտարերկրյա 41 հազար քաղաքացի, խորհրդարանի արտաքին հարաբերությունների հանձնաժողովի նիստում հայտնել է առողջապահության փոխնախարար Թամիլա Բարկալաիան` «Միգրացիայի մասին» օրենքում փոփոխությունների նախագծի քննարկման ժամանակ։ Այս մասին գրում է Aliq Media-ն։
«Էկոնոմիկայի նախարարության հետազոտության համաձայն՝ Վրաստանի աշխատաշուկայում աշխատող օտարերկրյա քաղաքացիների թիվը կազմում է ավելի քան 41 հազար, իսկ նրանցից 33 հազարին տրվել է կացության թույլտվություն։ Թիվը մեծ է, և դրա համար մեզ արձագանքման մեխանիզմներ են անհրաժեշտ»,- ասել է Բարկալաիան։
Բարկալաիան նաև ասել է, որ արտագնա աշխատանքի մեկնած Վրաստանի քաղաքացիների համար նույնպես օրենքը պաշտպանության մեխանիզմներ է նախատեսում.
«Մենք պետք է ամրապնդենք համագործակցությունը մեր գործընկեր, ընդունող պետությունների, նույնը` Գերմանիայի զբաղվածության գործակալության և այլ երկրների հետ, որպեսզի ռիսկերը հնարավորինս ապահովագրված լինեն։
Բնականաբար, դեռ ռիսկ կա. Գերմանիայի օրինակը ցույց տվեց, որ թեև զբաղվածության գործակալությունը պաշտոնապես ներգրավված էր, բայց չվճարվող աշխատանքի խնդիր, այնուամենայնիվ, առաջացավ»,- ասել է Բարկալաիան:
