08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ի՞նչ խզվածք է առաջացրել երկրաշարժը Թուրքիայում․ ՏԵՍԱՆՅՈՒԹ
Քաղաքականություն
10.02.2023 | 22:43
Թուրքական պետական TRT Haber-ը տեսանյութ է հրապարակել այն մասին, թե Քահրամանմարաշի երկրաշարժերից հետո ինչ խզվածք է առաջացել։ Տեսանյութում ներկայացվում է Թևեքքելլի գյուղում կիլոմետրերով ձգվող խզվածքի գիծը։
Նշվում է, որ կիլոմետրանոց ճեղքը ցույց է տալիս երկրաշարժի ուժգնությունը։
Հավելենք, որ երկրաֆիզիկոսները նախազգուշացրել են Արաբական տեկտոնական թիթեղների տեղաշարժի պատճառով նոր ցնցումների վտանգի մասին։ Մասնավորապես, Իտալիայի երկրաֆիզիկայի և հրաբխագիտության ազգային ինստիտուտի նախագահ Կառլո Դոլիոնին հայտնել էր, որ Արաբական տեկտոնական թիթեղների 3 մետր շեղման մասին։
Իտալացի երկրաֆիզիկոսների նախնական գնահատականներով՝ խզվածքի առնվազն 150 կիլոմետրանոց հատվածը՝ մինչև 3 մետր և ավելի տեղաշարժվել է։
«Այսինքն՝ Թուրքիան, Արաբականի հետ հարաբերմամբ, թեքվել է դեպի հարավ-արևմուտք»,- պարզաբանել էր Դոլիոնին։
Հավելենք, որ Թուրքիայում երկրաշարժն ավելի քան 19,000 մարդու կյանք է խլել։
Էմմա Չոբանյան
