08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լավրովը հայտնել է Թուրքիայի ու Սիրիայի շփումներին Իրանի ներգրավման որոշման մասին
Քաղաքականություն
31.01.2023 | 22:05
ՌԴ արտաքին գործերի նախարար Սերգեյ Լավրովը հայտարարել է, որ պայմանավորվածություն է ձեռք բերվել Իրանին ներառել Ռուսաստանի Դաշնության, Թուրքիայի և Սիրիայի միջև եռակողմ շփումներում, գրում է Ռիա Նովոստին։ Նա նշել է, որ Ռուսաստանն աջակցում է Անկարայի շահագրգռվածությանը Դամասկոսի հետ հարաբերությունների կարգավորման հարցում և աշխատանքն այդ ուղղությամբ զարգացնելու է։
«Բնականաբար, հիմա սկզբունքային պայմանավորվածություն է ձեռք բերվել Իրանին էլ այդ աշխատանքներում ներգրավելու վերաբերյալ»,- ասել է Լավրովը Եգիպտոսի արտգործնախարարի հետ բանակցություններից հետո կայացած մամուլի ասուլիսի ժամանակ։ Նա հիշեցրել է, որ Ռուսաստանը, Իրանն ու Թուրքիան Աստանայի եռյակի անդամ են, որը զբաղվում է Սիրիայի ճգնաժամի կարգավորմամբ։
«Ինչ վերաբերվում է մասնակցության ժամկետներին ու կոնկրետ ձևաչափերին, թե՛ զինվորականների, թե՛ դիվանագետների մակարդակով այդ ամենը մշակվում է»,-ասել է Լավրովը։
Հավելենք, որ դեկտեմբերի վերջին Մոսկվայում տեղի էր ունեցել Սիրիայի, Թուրքիայի ու ՌԴ-ի պաշտպանության նախարարների ու հետախուզական ծառայությունների ղեկավարների հանդիպումը։ Սա Թուրքիայի ու Սիրիայի պաշտոնյաների առաջին հանդիպումն էր 2011 թ-ից ի վեր։
Էմմա Չոբանյան
