20.04.2026 | 15:16
ԱԺ մարդու իրավունքների պաշտպանության և հանրային հարցերի հանձնաժողովի արտահերթ նիստը. ՈՒՂԻՂ
ՌԴ-ում կայացվել է զինկոմիսարիատների հրկիզումների գործով առաջին դատավճիռը
Քաղաքականություն
31.01.2023 | 21:12
Ռուսաստանում առաջին դատավճիռն է կայացվել ՌԴ քրեական օրենսգրքի «Ահաբեկչական գործողություն» հոդվածով՝ զինկոմիսարիատը հրկիզելու համար, հայտնում է DW-ի ռուսական ծառայությունը։ Կենտրոնական շրջանային զինվորական դատարանը Վլադիսլավ Բորիսենկոյին դատապարտել է 12 տարվա ազատազրկման խիստ ռեժիմի գաղութում՝ Նիժնեվարտովսկում զինկոմիսարիատը հրկիզելու համար։
Բորիսենկոն, ինչպես նաև նրա ենթադրյալ հանցակիցը, ձերբակալվել էին մայիսի սկզբին՝ զինկոմիսարիատում բռնկված հրդեհից մեկ շաբաթ անց։ Սկզբում նրանց մեղադրանք է առաջադրվել գույքին դիտավորությամբ վնաս հասցնելու և խուլիգանության համար, ապա մեղադրանքը վերաորակվել է որպես ահաբեկչություն։
Երկու ամբաստանյալներն էլ հրաժարվել են ընդունել իրենց մեղքը ահաբեկչության մասով, սակայն չեն հերքել հրկիզում իրականացնելու փաստը։
Հիշեցնենք, որ երբ Ռուսաստանի նախագահ Վլադիմիր Պուտինը սեպտեմբերի 21-ին հայտարարեց «մասնակի մոբիլիզացիայի» մասին, ՌԴ տարբեր քաղաքներում զինկոմիսարիատների հրկիզումների ալիք սկսվեց։
Տաթև Ֆռանգյան
