07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Նավալնին ազատ է արձակվել բանտից
14.06.2018 | 23:00
Ալեքսեյ Նավալնին, ով կալանավորվել էր չարտոնված հանրահավաք կազմակերպելու համար, ազատ է արձակվել: Այս մասին գրում է Ամերիկայի ձայն-ը:
Ռուսաստանի ընդդիմադիր գործիչ Ալեքսեյ Նավալնին ազատ է արձակվել բանտից 30 օր կալանքի տակ անցկացնելուց հետո: Նա ձերբակալվել էր անցած ամիս նախագահ Վլադիմիր Պուտինի դեմ բողոքի ակցիա կազմակերպելու համար:
Դրա մասին Նավալնին տեղեկացրել է իր թվիթերյան գրառման միջոցով, ուր հեգնանքով ընդգծել է, որ 30 արյա աշխատանքային գործուղումից հետո կրկին ազատության մեջ է:
Նրան մեղադրել էին չարտոնված հանրահավաք կազմակերպելու մեջ: Մայիսին նախագահ Պուտինի երդմնակալության արարողության նախօրեին նա բերման էր ենթարկվել իր հարյուրավոր կողմնակիցների հետ միասին:
Սա առաջին դեպքը չէ, երբ Ալեքսեյ Նավալնին կալանավորվում է: Նախկինում բազմաթիվ անգամ ոստիկանություն բերման ենթարկվելուց հետո դատարանը նրան դատապարտել էր տարբեր ժամկետների:
