09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Գյումրու մանկական հիվանդանոցն աշխատում է գերծանրաբեռնված․ սուր շնչառական վարակների աճ կա
Հասարակություն
19.01.2023 | 22:10
Սուր շնչառական վարակների ակտիվության պատճառով «Գյումրու մոր և մանկան ավստրիական հիվանդանոցն» աշխատում է գերծանրաբեռնված․ տևական ժամանակ է՝ մանկական բաժանամունքում որևէ ազատ մահճակալ չկա։ Այստեղ մահճակալների ընդհանուր թիվը 30-ն է, սակայն հիվանդանոցի ղեկավարությունը ստիպված է այդ թվանաքակից շատ երեխաների ընդունել՝ շուրջ 40։
Հիվանդանոցի գործադիր տնօրենի ժ/պ Հովհաննես Վարձելյանը Factor.am-ի հետ զրույցում ասաց, որ տարածված վարակի հետևանքով երեխաների մոտ հաճախակի ախտորոշվում է թոքաբորբ ու բրոնխիոլիտ։
«Վերակենդանացման բաժանմունքը ևս ծանրաբեռնված է աշխատել, ունենք 10 մահճակալ, բոլորը զբաղված էին, հիմա 4-ն է զբաղված։ Ծանր թոքաբորբ են տանում հիմնականում 0-1 տարեկան երեխաները, նրանց մոտ ավելի ծանր ընթացքով է ուղեկցվում հիվանդությունը։ 1-5 տարեկան երեխաները միջին ծանրության են, 5-ից բարձրը՝ համեմատաբար թեթև։
Սա սեզոնային վարակ է, կարծում եմ թռչնագրիպ է, որն ավելի ագրեսիվ ձևով է դրսևորվում»,-ասաց Վարձելյանը։
Շիրակի մարզպետարանի հրապարակած պաշտոնական տվյալների համաձայն 2023 թվականի հունվարի 1-17-ը Շիրակի մարզի ամբուլատոր պոլիկլինիկական հաստատություններ, սուր շնչառական վարակներով պայմանավորված, դիմել է 1138 քաղաքացի, 653-ը՝ 0-18 տարեկան։
Արմիկ Մովսիսյան
