16.01.2026 | 19:30
ՄԹ դեսպանը մեկնաբանել է հայ գեղասահորդների՝ Եվրոպայի առաջնությանը չմասնակցելու հարցը
ՌԴ-ն դեկտեմբերի 31-ից հունվարի 2-ը երկու գիշեր շարունակ հրթիռներով և անօդաչու սարքերով գրոհում է Կիևը
Քաղաքականություն
02.01.2023 | 14:09
Հունվարի 2-ի վաղ առավոտյան Կիևում խոցված ռուսական ռազմական անօդաչու թռչող սարքի բեկորներն ընկել են Ուկրաինայի մայրաքաղաքի հյուսիս-արևելյան շրջանում, ինչի հետևանքով մեկ մարդ վիրավորվել է, հայտնել է քաղաքապետ Վիտալի Կլիչկոն։
Ռուսաստանի զինված ուժերը դեկտեմբերի 31-ից հունվարի 2-ը երկու գիշեր շարունակ հրթիռներով և անօդաչու սարքերով գրոհում են Կիևը, գրում է VOA-ն։
Կիևի Դեսնյանսկի շրջանի հիվանդանոց է տեղափոխվել վիրավոր 19-ամյա երիտասարդը,- հայտնել է Կլիչկոն Telegram-ի իր էջում։
Կեսգիշերին Կիևում և Արևելյան Ուկրաինայի մեծ մասում օդային տագնապ է հայտարարվել, որը տևել է երկու ժամ: Ուկրաինայի նախագահի օգնական Կիրիլո Տիմոշենկոյի խոսքով՝ անօդաչու թռչող սարքի բեկորներն ընկել են ճանապարհին և վնասել շենքը։
Դեսնյանսկի թաղամասը գտնվում է Դնեպրի ձախ ափին և Ուկրաինայի մայրաքաղաքի ամենախիտ բնակեցված բնակավայրն է։
Ուկրաինայի արևելքում տարածաշրջանային ռազմական հրամանատարությունը հայտնել է, որ հունվարի 2-ի առավոտյան հակաօդային պաշտպանության համակարգերը Դնեպրոպետրովսկի և Զապորոժիեի շրջաններում ոչնչացրել են իրանական արտադրության ինը «Շահեդ» անօդաչու թռչող սարք:
Տաթև Ֆռանգյան
