16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՆԱՏՕ-ն Ուկրաինայում խաղաղության հասնելու ամենաարագ ճանապարհն է նշել
Քաղաքականություն
30.12.2022 | 15:37
Գերմանիան և ՆԱՏՕ-ի մյուս երկրները պետք է շարունակեն զենք մատակարարել Ուկրաինային. Քանի որ դա ամենաարագ ճանապարհն է դեպի խաղաղություն: Այս մասին նախօրեին հրապարակված Frankfurter Allgemeine Zeitung-ին տված հարցազրույցում ասել է Հյուսիսատլանտյան դաշինքի գլխավոր քարտուղար Յենս Ստոլտենբերգը։
«Դա կարող է պարադոքսալ հնչել, բայց Ուկրաինային ռազմական աջակցությունը խաղաղության հասնելու ամենաարագ ճանապարհն է»,- ասել է Ստոլտենբերգը։
Նրա կարծիքով՝ ՌԴ նախագահ Վլադիմիր Պուտինը պետք է համոզվի, որ չի հասնի Ուկրաինայի նկատմամբ վերահսկողություն սահմանելու իր նպատակին։ Այդ ժամանակ կառաջանան նախադրյալներ բանակցությունների միջոցով խաղաղ կարգավորման հասնելու համար, որոնք կապահովեն Ուկրաինայի՝ որպես անկախ ժողովրդավարական պետության գոյատևումը։
Ստոլտենբերգը նաև հայտարարել է, որ ուկրաինական հարձակումները Ռուսաստանում ռազմական օբյեկտների վրա բացարձակապես օրինական է համարում. «Յուրաքանչյուր երկիր իրավունք ունի պաշտպանվելու, Ուկրաինան նույնպես»։
Հարցին՝ արդյո՞ք աջակցում է Ուկրաինային միջին հեռահարության հրթիռներ տրամադրելուն, Ստոլտենբերգն ասել է, որ «դաշնակիցների և Ուկրաինայի միջև շարունակական երկխոսություն կա կոնկրետ համակարգերի վերաբերյալ»: Նա նաև նշել է, որ ՆԱՏՕ-ի դաշնակիցները նախկինում Ուկրաինային մատակարարել են հեռահար համակարգեր։ Դրանք ներառում են MLRS HIMARS, հրետանի և անօդաչու սարքեր:
Ավելի վաղ ՆԱՏՕ-ի գլխավոր քարտուղարը հայտարարել էր, որ Պուտինը ճնշող հետընթացների տարի է ունեցել․ Ռուսաստանի նախագահը երկու ռազմավարական սխալ է թույլ տվել, երբ սկսեց լայնածավալ ներխուժում Ուկրաինա։
Տաթև Ֆռանգյան
