17.08.2026 | 23:08
Զորականում և Ամասիայում շչակներ են փորձարկվելու
Փակուղում հայտնված խաղաղությունը. բանակցային գործընթացը՝ 2022-ին. ՏԵՍԱՆՅՈՒԹ
Քաղաքականություն
02.01.2023 | 17:02
Հայաստան-Ադրբեջան հարաբերությունների կարգավորման, ճանապարհների ապաշրջափակման հեռանկարով մեկնարկած 2022 թվականն այդպես էլ ավարտվեց առանց որևէ շոշափելի արդյունքի։ Ավելին՝ խաղաղության օրակարգի հետ կապված բոլոր լավատեսական կանխատեսումներն ու ցանկությունները, որոնք հայկական կողմն արտահայտում էր տարվա ընթացքում, տարեվերջին արդեն պարզ դարձավ, որ արդարացված չէին։
Որքան տարին մոտենում էր ավարտին, այնքան պակասում էին խաղաղության պայմանագիր կնքելու լավատեսական կանխատեսումները, իշխանությունից ևս ընդունում էին՝ դրան հասնելու հավանականությունը գնալով նվազում է։
Հայաստանն ու Ադրբեջանը չեն դադարում միմյանց մեղադրել ոչ կառուցողական լինելու մեջ, խաղաղության հասնելու հարցում տարաձայնությունները խորանում են։ Այս ֆոնին բանակցություններն էլ, կարծես, մտել են փակուղի․ Փաշինյանն ու Ալիևը թեև դեկտեմբերի 27-ին Սանկտ Պետերբուրգում էին՝ մասնակցելու ԱՊՀ ոչ պաշտոնական գագաթնաժողովին, սակայն երկկողմ կամ եռակողմ հանդիպում այդպես էլ տեղի չունեցավ։
Մանրամասները՝ տեսանյութում։
Շողիկ Գալստյան
