16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Ստեփանակերտի օդանավակայանում հավաքված արցախցիները հանդիպում են պահանջում խաղաղապահների հրամանատար Վոլկովի հետ․ ԼՈՒՍԱՆԿԱՐՆԵՐ
Քաղաքականություն
27.12.2022 | 18:11
Այսօր մի խումբ ախցախցիներ երթով շարժվել են դեպի Ստեփանակերտի օդանավակայան՝ պահանջելով հանդիպում ռուսական խաղապահ առաքելության հրամանատար Անդրեյ Վոլկովի հետ։ Նրանք քայլերթի ընթացքում վանկարկում էին «Բացե՛ք կյանքի ճանապարհը», «Պուտի՛ն, պահիր խոստումդ»։
Երթի նախաձեռնողներից Տիգրան Պետրոսյանը ֆեյսբուքյան էջի ուղիղ եթերում նշել է, որ Ասկերան-Ստեփանակերտ ճանապարհի երթևեկության բնականոն ընթացքը չխանգարելու համար քաղաքացիները հավաքվել են օդանավակայի դարպասներից վերև, սակայն կես ժամվա ընթացքում ռուս խաղաղապահներից պատասխան չստանալու դեպքում պատրաստվում են իջնել ներքև։
Հիշեցնենք, որ արդեն 16-րդ օրն է՝ Ադրբեջանը փակ է պահում Արցախը Հայաստանին կապող միակ ճանապարհը։ 120 000 մարդ հայտնվել է շրջափակման մեջ, իսկ 1100 քաղաքացի, 270-ը՝ անչափահաս, ՀՀ-ից տուն վերադառնալու հնարավորություն չունի: Մինչ ճանապարհի փակվելը օրական շուրջ 400 տոննա սննդամթերք և դեղորայք էր հասնում Արցախ։ Մատակարարումների խաթարման հետևանքով Արցախում սննդի, դեղորայքի և այլ առաջին անհրաժեշտության ապրանքների պակաս կա։
Անի Թամրազյան
