12.12.2024 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
Ռուսաստանը պայմանավորվել է Ադրբեջանի հետ գազի մատակարարումների ավելացման հարցով
Քաղաքականություն
26.12.2022 | 15:29
Ռուսաստանը պայմանավորվել է Ադրբեջանի հետ՝ ավելացնել գազի մատակարարումները ներքին սպառման համար։ Այս մասին ՏԱՍՍ-ի հետ զրույցում հայտնել է ՌԴ փոխվարչապետ Ալեքսանդր Նովակը։
«Ադրբեջանի հետ կա պայմանավորվածություն ավելացնելու մեր մատակարարումները, քանի որ նրանք դեռ ունեն գազի դեֆիցիտ։ Հետագայում, երբ նրանք ավելացնեն գազի արդյունահանումը, մենք կկարողանանք քննարկել նաև սվոպերը»,- ասել է Նովակը։
Ռուսական «Գազպրոմ» ընկերությունն ավելի վաղ հայտնել էր, որ այս ձմռանը կարող է Ադրբեջանին մատակարարել մինչև 1 միլիարդ խորանարդ մետր գազ:
«Նոյեմբերի 15-ին գազի առքուվաճառքի նոր պայմանագրով սկսվել են ռուսական գազի մատակարարումներն Ադրբեջան։ Փաստաթուղթը ստորագրվել է «Գազպրոմ Էքսպորտ» ՍՊԸ-ի և SOCAR-ի միջև։ Առաքումները կիրականացվեն 2023 թվականի մարտից։ Մատակարարումների ծավալը կազմում է մինչև 1 մլրդ խորանարդ մետր»,- ասվում է ընկերության հայտարարության մեջ։
Էմմա Չոբանյան
