Զելենսկիի այցը Վաշինգտոն, Վաշինգտոնի ուղերձը` Կիևին

Լուրեր

20.11.2026 | 17:45
Դատարանը մերժել է Վարդան Ղուկասյանից 400 քմ հողատարածքը պետությանը վերադարձնելու Դատախազության հայցը
20.11.2026 | 17:37
Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին
20.11.2026 | 17:30
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը․ ՏԵՍԱՆՅՈՒԹ
20.11.2026 | 17:22
MLS-ի ամենաբարձր վարձատրվող ֆուտբոլիստները
20.11.2026 | 17:10
Այսօրվանից մինչև փետրվարի 1-ը Սևանա լճում արգելվում է ձկնորսությունը․ պարեկները ուժեղացված հսկողություն կիրականացնեն
20.11.2026 | 16:58
Իրանից Հայաստան եկած երկու բեռնատարում հայտնաբերվել է ավելի քան 247 հազար տուփ չհայտարարագրված ծխախոտ․ բյուջե չի վճարվել 96 մլն դրամի հարկ
20.11.2026 | 16:43
Վահան Հունանյանը նշանակվել է Լեհաստանում ՀՀ դեսպան
20.11.2026 | 16:40
Չի բացառվում, որ վստահված անձանց վճարել են, բայց այլ անուններով, հայտարարգրում ոչինչ չկա․ Հոկտանյան․ ՏԵՍԱՆՅՈՒԹ
20.11.2026 | 16:34
Գուրգեն Արսենյանը հետ է կանչվել Ռուսաստանում ՀՀ դեսպանի պաշտոնից․ նշանակվել է Սամվել Մկրտչյանը
20.11.2026 | 16:29
Ազգերի լիգա. Քառորդ եզրափակիչի զույգերը
20.11.2026 | 16:24
ՀՀ-Ադրբեջան կարգավորման ռուսական մշակումներն արդիական են նաև այսօր․ Զախարովան՝ Փաշինյան-Ալիև հանդիպման մասին
20.11.2026 | 16:15
Էստոնիայի կառավարությունը որոշել է դեկտեմբերի 1-ից փակել Ռուսաստանի հետ սահմանը
20.11.2026 | 16:06
Մինչև տարեվերջ նախատեսվում է պահեստազորի մինչև 10 սպայի զորակոչել պարտադիր զինվորական ծառայության
20.11.2026 | 15:55
«Կողմ չենք քվեարկելու ալիևյան Սահմանադրությանը». «Հայաստան» խմբակցության պատասխանը՝ Փաշինյանի առաջարկին․ ՏԵՍԱՆՅՈՒԹ
20.11.2026 | 15:44
Հայաստանի Կիոկուշին կարատեի ֆեդերացիան կանցկացնի տարեվերջյան մրցաշարերը
Բոլորը

«Միասնության ցուցադրություն», «ժողովրդավարության մեծ օր»: Ուկրաինայի նախագահ Վոլոդիմիր Զելենսկիի կողմից ԱՄՆ կատարած այցի ու նախագահ Ջո Բայդենի հետ նրա հանդիպման մասին նման վերնագրերով հոդվածներ են այսօր տպագրվում միջազգային մամուլում, գրում է VOA-ն։

«Ուկրաինացիները Նոր Տարին և մյուս բոլոր տոները նշելու են ինչպես հարկն է, եթե նույնիսկ չլինի էլեկտրականություն»,- ասաց նա 23 րոպեանոց իր ելույթում, որը պարբերաբար ընդհատվում էր հոտնկայս ծափահարություններով։ «Մեր հանդեպ առկա հավատի մեր լույսը չի մարելու»,- ասում էր Զելենսկին Կոնգրեսում:

Ինչպես վերլուծաբաններն են ասում, 2023 թվականին ԱՄՆ-ի Ներկայացուցիչների պալատում հանրապետականները, որտեղ նրանք հունվար ամսից կազմելու են մեծամասնություն, կարող են պնդել Ուկրաինայի նկատմամբ աջակցույթունը կրճատելու անհրաժեշտությունը: «Սակայն նախագահ Բայդենի աջակցությունը երբեք կասկածի տակ չի դրվել ու չի կարող դրվել»,- գրում է Bloomberg-ն առցանց իր հոդվածում:

Բրուքինգզի հաստատությունից Անջելա Ստենթի խոսքերով՝ Զելենսկին իր ելույթով ցանկանում էր առաջին հերթին ազդեցություն գործել հենց այդ հանրապետականների վրա: Նա չի կարծում, որ Ամերիկան Ուկրաիանային այս պահին կտրամադրի Ռուսաստանի տարածքները հարվածելու ունակ զենքեր, սակայն այն, որ «այս այցը Միացյալ Նահանգների աջակցությունը շարունակելու համար կարևոր քայլ էր, որևէ մեկը բացառել չի կարող»,- ասում է նա:

The Washington Post-ում զետեղված հոդվածներից մեկի հեղինակն այն միտքն է արտահայտում, որ Զելենսկիի այցի գլխավոր նպատակն էր ԱՄՆ-ին հորդորել ավելի հզոր զենքեր տրամադրել Կիևին: Ըստ հոդվածի՝ դա անհրաժեշտ է հաջորդ տարվա ընթացքում Ուկրաինայի պաշտպանունակությունը բարձրացնելու համար: Եկող տարի, ասում են նրանք, Ուկրաինան նախապատրաստում է խոշոր հարձակում` ընդդեմ ռուսական զորքերի։

«Մենք պայքարում ենք հաղթելու համար». սա էր Զելենսկիի ելույթի առանցքային միտքը, Թվիթերում գրել է վաշինգտոնաբնակ տնտեսագետ և քաղաքագետ Անդերս Օսլունդը։

Զելելնսկին, դիմելով ամերիկացի օրենսդիրներին, նշել է, որ իր երկրի ժողովուրդն արդեն իսկ կառուցել է ուժեղ Ուկրաինա՝ ուժեղ մարդկանցով, հզոր բանակով, ուժեղ հաստատություններով։

«Անկախ, օդում թռչող իրանական անօդաչու սարքերից՝ մենք գիտենք, որ ունենք մեկ նպատակ: Եվ այդ նպատակը հաղթանակն է»,- ասել է նա:

Միջազգային հարցերով քաղաքագետ Անտոն Քուչուխիձեն կարծում է, որ իր այցի ընթացքում նախագահ Վոլոդիմիր Զելենսկին իրականացրել է իր առջև դրված բոլոր ծրագրերը: «Նա գնաց և վերջնական տեսքի բերեց Patriot համակարգերի վերաբերյալ պայմանավորվածությունները»,- ասում է նա:

Հայտարարվել է նաև հավելյալ մոտ 2 միլիարդ դոլարի ռազմական օգնության մասին: ԱՄՆ-ի ազգային անվտանգության հարցերով գլխավոր խորհրդական Ջոն Քըրբին ասել է, թե երկու նախագահները հավանաբար խոսել են նաև պատերազմից հետո Ռուսաստանի ապագայի մասին:

Ինչպես քաղաքագետներն են ասում՝ Զելենսկիի այցը Միացյալ Նահանգներ ավելի է մեծացնում Ուկրաինային ավելի աջակցելու հնարավորությունները:

Զելենսկիի այցը Վաշինգտոն նաև հարգանք էր Բայդենի հանդեպ ու նաև գործոն` նրա վարկանիշի բարձրացման համար, ասում է ԱՄՆ-ի նախկին դիվանագետ, նախկին խորհրդային մի քանի երկրներում ԱՄՆ-ի նախկին դեսպան Ուիլյամ Քորթնին: Նրա խոսքերով՝ այս այցի ընթացքում արդեն կայացվել է «Փաթրիոթ» տիպի հակաօդային պաշտպանության մեկ համակարգ Կիևի մոտակայքում տեղակայելու շուրջ որոշում: Զելենսկիի այցը մեկ անգամ ևս ապացուցում է, որ ընդլայնվում է աջակցությունն Ուկրաինայի հանդեպ, ընդլայնվում մեկուսացումը Ռուսաստանի նկատմամբ: Եվ Ռուսաստանին այսօր մտահոգում են ոչ միայն իր հրթիռների դեմ ուղղված «Փաթրիոթ» համակարգերը, այլև Կրեմլի դեմ ուղղված Միացյալ Նահանգների երկկուսակցական համաձայնությունը: