22.06.2026 | 16:24
ՍԴ-ն փաստաթղթեր է պահանջել մի շարք պետական մարմիններից․ ՔՊ-ն որպես 3-րդ անձ է ներգրավվել
Ալիևի հավակնությունները հասնում են Երևան․ Ադրբեջանի նախագահը դարձյալ տարածքային անհիմն պահանջներ է ներկայացրել
Քաղաքականություն
24.12.2022 | 17:55
Ադրբեջանի նախագահ Իլհամ Ալիևը կրկին տարածքային պահանջներ է ներկայացրել Հայաստանին։ «Կգա մի օր, երբ Արևմտյան Ադրբեջանից մեր հայրենակիցները, նրանց մերձավորները, երեխաներն ու թոռները կվերադառնան մեր պատմական երկիր ՝ Արևմտյան Ադրբեջան։ Վստահ եմ, որ այդ օրը կգա, վստահ եմ, որ արևմտյան ադրբեջանցիները մեծ խանդավառությամբ և ցանկությամբ կվերադառնան իրենց հայրենի հողեր»,- Interfax-ի փոխանցմամբ՝ Ալիևը շաբաթ օրը այսպիսի հայտարարություն է արել մի խումբ մտավորականների հետ հանդիպման ժամանակ:
Ալիևը պնդել է, թե այսօր գլխավոր խնդիրը դա միջազգային հանրությանը հասցնելն է, և այդ ուղղությամբ, նրա խոսքով, աշխատանքներ են տարվում: Ալիևը չի թաքցրել, որ հավակնություններ ունի անգամ ՀՀ մայրաքաղաք Երևանի նկատմամբ․ նա դժգոհել է, թե «20-րդ դարասկզբին Ադրբեջանի կողմից Իրյավանը Հայաստանին հանձնելու որոշումը աններելի քայլ էր, դավաճանություն և հանցագործություն», իսկ «Զանգեզուրն Ադրբեջանից օտարելու և 20-րդ դարի սկզբին Հայաստանին միացնելու որոշումը՝ հերթական հանցագործությունը ադրբեջանական ժողովրդի դեմ»:
Սա առաջին անգամ չէ, երբ Իլհամ Ալիևը, անտեսելով ՀՀ-ի միջազգայնորեն ճանաչված սահմանները, անհիմն և անթաքույց տարածքային պահանջներ է ներկայացնում։
