30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Եթե ռուս խաղաղապահներն իրենց գործը լավ անեին այս իրավիճակը չէր ստեղծվի. Արման Ղարիբյան․ ՏԵՍԱՆՅՈւԹ
Քաղաքականություն
23.12.2022 | 19:58
«Արցախի Հանրապետության ճանաչում» քաղաքացիական նախաձեռնությունը հավաք է իրականացնում ի սատարումն Արցախի, և երթ՝ դեպի ՌԴ դեսպանատուն:
«Հայաստանը հայտնվել է տարբեր երկրների շահերի կիզակետում․․․ Չնչին քաղաքական կամքի առկայության դեպքում հնարավոր է բացել ճանապարհը, իսկ թե ինչպես հասնել դրան, կարծում եմ՝ պետք է շարունակվեն ճնշումները Բաքվի վրա։ Բայց Երևանում էլ պետք է այդ ճնշումները լինեն, չպետք է նստել-սպասել, որ միայն ՄԱԿ-ում կամ ՄԻԵԴ-ում մեր հարցը կլուծվի»,- այս մասին Factor.am-ի հետ զրույցում նշեց երթի մասնակից, լրագրող, «Իրավունքի ուժ» հասարակական կազմակերպության համահիմնադիր Արման Ղարիբյանը։
Անդրադառնալով ռուսական կողմի պաշտոնական այն հայտարարութուններին, ըստ որոնց՝ ռուս խաղաղապահներն անում են ամեն ինչ իրավիճակը կարգավորելու, միջանցքը բացելու համար, Ղարիբյանն ընդգծեց․ «Նախ՝ եթե ռուս խաղաղապահներն իրենց գործը լավ անեին, այս իրավիճակը չէր ստեղծվի , կեղծ բնապահպանները չէին հայտնվի Լաչինի միջանցքում։
Երկրորդ՝ գիտենք, թե ռուսական պրոպագանդան ինչքան հեշտությամբ է ստում՝ առանց աչք թարթելու, նրանց խոսքի նկատմամբ հավատ չկա։ Գլուխ գովել, թե իրենք լավ են աշխատում, ուղղակի անամոթություն է» ։
Մանրամասն՝ տեսանյութում։
