Քաղաքականություն
23.12.2022 | 20:21«Արցախի Հանրապետության ճանաչում» քաղաքացիական նախաձեռնությունը հավաք է իրականացնում ի սատարումն Արցախի, և երթ՝ դեպի ՌԴ դեսպանատուն:
ՄԱԿ-ը, ԵՄ-ն, գերտերությունները՝ ինչպիսին ԱՄՆ-ը և Ֆրանսիան են, ունեն հնարավորություններ՝ ճնշում գործադրելու Բաքվի վրա, որպեսզի բացվի Լաչինի միջանցքը» այս մասին Factor.am-ի հետ զրույցում նշեց երթի մասնակից, «Ազատ TV » մեդիանախաձեռնության հիմնադիր, ակտիվիստ Նարեկ Այվազյանը։
Նրա դիտարկմամմբ՝ Բաքվի վրա ճնշում գործադրելու ամենամեծ հնարավորությունն ունի Ռուսաստանը․ «Որն իր զորքերն է տեղակայել այնտեղ՝ իբրև թե պաշտպանելու, բայց փաստացի ադրբեջանցիները կարողացել են բնապահպանների անվան տակ գալ այնտեղ և պատանդառել մեր հայրենակիցներին ու փորձում են իրավիճակն օգտագործել՝ իրենց շահերից բխող ինչ-որ բան կորզելու համար։ Օրինակ՝ շատ է խոսվում Հայաստանով դեպի Նախիջևան միջանցք ստանալու մասին, դա ոչ միայն Ադրբեջանին է պետք, այլ նաև Ռուսաստանին․․․
Բաքուն ու ՌԴ-ն ուզում են իրենց նեղ պայմանավորվածությունները կյանքի կոչել, բայց դա չի ստացվելու» ,-նշեց Այվազյանը։
Նա հավելեց, որ երթի մասնակիցները ՀՀ կառավարությանը կոչ են անում պահանջել ՌԴ-ից՝ կատարել իրենց ստանձնած պարտականությունները։
Մանրամասները՝ տեսանյութում։
