07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Բայրամովը բողոքել է Վարդանյանից, Լավրովը՝ ՀՀ-ից․ վեճ ԱԺ-ում՝ իշխանության և ընդդիմության միջև․ Լուրեր
23.12.2022 | 19:30
- Ադրբեջանի ԱԳ նախարարը այսօր նոր պահանջ սպառնալիք է ներկայացրել Արցախին՝ ասելով, թե Ռուբեն Վարդանյանը պետք է լքի Արցախը, այլապես տուժում է տեղի բնակչությունը։ Նա այս մասին հայտարարել է Ռուսաստանի ԱԳ նախարար Սերգեյ Լավրովի հետ հանդիպումից հետո եղած համատեղ ասուլիսին։
- Լավրովն իր հերթին բողոքել է, թե Հայաստանը դիվանագիտական որևէ խողովակ չի օգտագործել՝ Մոսկվային տեղեկացնելու ՌԴ-ի և Ադրբեջանի արտգործնախարարների հետ եռակողմ հանդիպմանը մասնակցելուց հրաժարվելու մասին։ Եվ ըստ Լավրովի՝ հայկական կողմի այս մեթոդը հարցեր է առաջացնում։
- Այդ ընթացքում Հայաստանի ԱԳ նախարարը Երևանում հանդիպել է Արցախի ԱԳ նախարարի և պատվիրակության հետ, քննարկել Ադրբեջանի կողմից Լաչինի միջանցքի արգելափակման հետևանքները, Լեռնային Ղարաբաղում ստեղծված հումանիտար իրավիճակի մանրամասները:
- Ազգային ժողովում էլ այսօր իշխանությունն ու ընդդիմությունը կրկին իրար մեղադրանքներ են ներկայացրել։ Իշխանական պատգամավորները ասել են, որ նախկինները հին զենքեր էին գնում, ընդդիմությունից էլ արձագանքել են, որ իրենց առածը գոնե կրակում էր, ոչ թե Սու-30-ի նման օդ չէր բարձրանում։
Այս ժամի լուրերը՝ տեսանյութում։
