21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Պուտինը բավարարել է Արցախի պետնախարար Ռուբեն Վարդանյանի՝ ՌԴ քաղաքացիությունից հրաժարվելու դիմումը
Քաղաքականություն
22.12.2022 | 15:48
Ռուսաստանի Դաշնության նախագահ Վլադիմիր Պուտինը բավարարել է գործարար, ներկայում Արցախի պետնախարար Ռուբեն Վարդանյանի՝ ՌԴ քաղաքացիությունից հրաժարվելու դիմումը։ Փաստաթուղթը հրապարակվել է ՌԴ իրավական տեղեկատվության պաշտոնական կայքում։
«Բավարարել Ռուսաստանի Դաշնության քաղաքացիությունից հրաժարվելու մասին դիմումը՝ Վարդանյան Ռուբեն Կառլենովիչի, ծնված 1968 թվականի մայիսի 25-ին Հայաստանում»,- ասված է նախագահի հրամանագրի տեքստում։
Հիշեցնենք, որ սեպտեմբերին Ռուբեն Վարդանյանը հայտարարեց ՌԴ քաղաքացիությունից հրաժարվելու և Լեռնային Ղարաբաղ տեղափոխվելու մտադրության մասին։ Ռուսաստանում նա հիմնել է «Տրոյկա Դիալոգ»-ը, եղել է Մոսկվայի «Սկոլկովո» կառավարման դպրոցի առաջին նախագահը։ Նոյեմբերի 4-ին հայտնի դարձավ, որ Արցախի նախագահ Արայիկ Հարությունյանը Վարդանյանին նշանակել է ԱՀ պետնախարար։
Տաթև Ֆռանգյան
