16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բելառուսներն են պատրաստում ռուս պահեստազորայիններին, և դա ՌԴ-ի կողմից հուսահատ քայլ է․ բրիտանական հետախուզություն
Քաղաքականություն
22.12.2022 | 16:35
Բրիտանական հետախուզությունն ամենօրյա ամփոփագրում վերլուծել է Ռուսաստանի և Բելառուսի միջև ռազմական համագործակցությունը՝ գտնելով այնտեղ նոր կողմեր, որոնք վկայում են ռուսական բանակի խնդիրների մասին, գրում է BBC-ի ռուսական ծառայությունը։
2022 թվականի դեկտեմբերի 19-ին ՌԴ նախագահ Վլադիմիր Պուտինը մեկնել էր Մինսկ՝ Բելառուսի նախագահ Ալեքսանդր Լուկաշենկոյի հետ բանակցությունների։ Ի թիվս այլ հարցերի՝ խոսվել է միասնական պաշտպանական տարածք ստեղծելու հնարավորության մասին։
Զեկույցում ասվում է, որ ՌԴ-ն և Բելառուսը բաց ու լայնորեն խոսում են Բելառուսում ռուսական ստորաբաժանումների տեղակայման մասին։ Սակայն հնարավոր է՝ վերջերս բելառուս զինվորականներն իրենց վրա ավելի գաղտնի առաքելություն են վերցրել՝ մարզելու հազարավոր նոր մոբիլիզացված ռուս պահեստազորայիններին։ Ըստ ամենայնի, այս կերպ Ռուսաստանը փորձում է լրացնել սեփական ռազմական հրահանգիչների պակասը, որոնցից շատերը կռվում են Ուկրաինայում կամ զոհվել են։
Նշվում է, որ չնայած Ռուսաստանն ու Բելառուսը ռազմական համագործակցության մեծ փորձ ունեն, բելառուսների կողմից մոբիլիզացված ռուս զինվորականների պատրաստումը եզակի իրավիճակ է։ Ռուսասատանն ավանդաբար համարել է, որ բելառուսական ուժերը ռուսականներին զիջում են, և նրանց ներգրավումը որպես հրահանգիչներ ռուսական ռազմական համակարգի գերլարվածության նշան է։
Էմմա Չոբանյան
