25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Սիրիայում ցուցարարները հարձակվել են Սուեյդայի նահանգապետի գրասենյակի վրա և այրել այն
Քաղաքականություն
04.12.2022 | 19:49
Սիրիայում տնտեսական պայմանների վատթարացման պատճառով զայրացած ամբոխը ներխուժել է հարավային Սվեյդա քաղաքի նահանգապետի գրասենյակ:
BBC-ի փոխանցմամբ՝ ականատեսները պատմում են, որ ցուցարարները հրկիզել են շենքը ուժեղ կրակոցների ֆոնին։
Ավելի վաղ մոտ 200 ցուցարար հավաքվել է քաղաքի կենտրոնում և ըստ տեղեկությունների՝ կոչ արել տապալել նախագահ Բաշար ալ-Ասադին:
Կայքը նշում է, որ Սիրիան տնտեսական լուրջ անկման ճիրաններում է։ Այդ ամենը հանգեցրել է գների պարուրաձև աճի և մեծ զայրույթի Սվեյդայում նախագահ Ասադի վարչակարգի նկատմամբ, որը խուսափել է սիրիական պատերազմի ամենավատ բռնություններից:
«Նահանգապետի աշխատասենյակն ամբողջությամբ այրվել է ներսից», – ասել է է քաղաքացիական ակտիվիստ և Սուեյդա 24-ի խմբագիր Ռայան Մաարուֆը:
Փոխհրաձգության ժամանակ մի քանի մարդ վիրավորվել է, Reuters-ին ասել է նա՝ հավելելով, որ պարզ չէ, թե որտեղից են կրակոցները։
Տեղի հիվանդանոցի աղբյուրը Reuters-ին հայտնել է, որ բուժվողներից մեկը մահացել է հրազենային վնասվածքներից, իսկ մյուսը դեռևս բուժում է ստանում կրակոցից հետո:
Թուրքիայի ընդդիմադիր Սիրիա հեռուստաալիքը միևնույն ժամանակ հաղորդել է, որ «հարյուրավոր» ցուցարարներ դուրս են եկել ցույցի ընդդեմ կենսապայմանների վատթարացման։ Նրանք պատռել են նախագահի պաստառները՝ միաժամանակ կոչ անելով «տապալել ռեժիմը»:
