12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
Չավուշօղլուն ԱՄՆ-ին կոչ է արել դադարեցնել Սիրիայում «քրդական ահաբեկչական խմբավորումներին աջակցությունը»
Քաղաքականություն
30.11.2022 | 20:15
Անկարան կոչ է անում ՆԱՏՕ-ի դաշնակիցներին, մասնավորապես, ԱՄՆ-ին, դադարեցնել Սիրիայում «ահաբեկչական խմբավորումներին աջակցելը»։ Այս մասին Բուխարեստում կայացած մամուլի ասուլիսում հայտարարել է Թուրքիայի ԱԳ նախարար Մևլութ Չավուշօղլուն, գրում է Անադոլուն։
Նա նաև հայտարարել է, թե Թուրքիան Շվեդիայից ու Ֆինլանդիայից դեռ կոնկրետ քայլեր է ակնկալում ահաբեկչության դեմ պայքարի հարցում։ Չավուշօղլուն հիշեցրել է, որ նախորդ օրը Բուխարեստում եռակողմ հանդիպում է ունեցել Շվեդիայի և Ֆինլանդիայի արտգործնախարարների հետ։
«Քննարկել ենք եռակողմ հուշագրի շրջանակներում ձեռնարկված քայլերը։ Երկու երկրները որոշ քայլեր ձեռնարկել են իրենց պարտավորությունների շրջանակում։ Մենք այդ քայլերը չենք անտեսում։ Սակայն զգալի առաջընթաց դեռ չի գրանցվել, մասնավորապես՝ահաբեկիչների արտահանձնման հարցում»,- ասել է թուրք նախարարը։ Նա հայտարարել է, որ Շվեդիայի նոր կառավարությունը ավելի անկեղծ է ահաբեկչության դեմ պայքարի հարցում։
«Այսօր ՆԱՏՕ-ում աննախադեպ միասնություն է. Այդ միասնությունը պետք է դրսեւորվի նաև ահաբեկչության դեմ պայքարում»,- ասել է նա։
Չավուշօղլուն ընդգծել է, որ Անկարան ՆԱՏՕ-ի դաշնակիցներին, մասնավորապես, ԱՄՆ-ին կոչ է անում դադարեցնել Սիրիայում «ահաբեկչական խմբավորումներին աջակցելը»։ Ըստ Չավուշօղլուի՝ Թուրքիան շարունակելու է պայքարել ահաբեկչության դեմ, լինի դա Սիրիայում, թե Իրաքում։
Էմմա Չոբանյան
