16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Եղեգնաձորի ոստիկանները բացահայտել են հիդրոէլեկտրակայանից կատարված գողությունը
Հասարակություն
30.11.2022 | 22:34
Նոյեմբերի 19-ին ոստիկանության Եղեգնաձորի բաժնում գողության վերաբերյալ հաղորդում էր տվել Քարագլուխ գյուղի 48-ամյա մի բնակիչ․ տեղեկացնում են ՀՀ ոստիկանությունից։
Նա հայտնել էր, որ նոյեմբերի 14-ից 15-ն ընկած ժամանակահատվածում Գլաձոր համայնքի Գետափ բնակավայրով անցնող հիդրոէլեկտրակայանի խողովակաշարից տարել են ջրի ծավալը չափող սարք։ Ձեռնարկված միջոցառումների արդյունքում պարզվել է գողությունը կատարողի ինքնությունը։ Շատին գյուղի 61-ամյա մի բնակիչ էր։ Նա հրավիրվեց ոստիկանության Եղեգնաձորի բաժին ու հայտնեց, որ գողությունն ինքն է արել, իսկ գողոնը թաքցրել է իր առանձնատանը։
Նախաձեռնվել է քրեական վարույթ։ Տղամարդը ներկայացվել է Վայոց ձորի մարզային քննչական վարչություն։
