16.09.2026 | 11:15
Ձեր նշած գերսուպեր զենքերը ցուցադրեցիք մայիսին, բա ինչի՞ ենք վախենում աղետալի պատերազմից․ Ֆարմանյան․ ՏԵՍԱՆՅՈՒԹ
Քրդերը Ռուսաստանից օգնություն են խնդրել Սիրիայում իրենց տարածքները պաշտպանելու համար
Քաղաքականություն
29.11.2022 | 19:20
«Սիրիայի դեմոկրատական ուժեր» քրդական դաշինքը խնդրել է Ռուսաստանի ներկայացուցիչներին օգնել դաշինքի և Դամասկոսի կառավարության միջև համաձայնության հասնել երկրի հյուսիս-արևելքում իրենց վերահսկողության տակ գտնվող տարածքները պաշտպանելու համար, Al-ին ասել է դաշինքի խոսնակ Արամ Խանան, փոխանցում է EADaily-ն։
Նրա խոսքով՝ Ռուսաստանի ներկայացուցիչները դաշինքի ներկայացուցիչների հետ հանդիպմանը իրեն ներկայացրել են Թուրքիայի պայմանները, որոնք «մերժվել են»։
Նոյեմբերի 20-ից Թուրքիան օդային գործողություններ է իրականացնում Սիրիայի հյուսիսում Քրդստանի աշխատավորական կուսակցության սիրիական թևի դեմ։ Հարվածներ են հասցվել Քոբանի քաղաքին, ինչպես նաև Հյուսիսային Իրաքում քրդական ուժերին։ Թուրքիայի նախագահ Ռեջեփ Թայիփ Էրդողանը գործողությունն անվանել է հաջողված և չի բացառել, որ դրան կհաջորդի ցամաքային գործողություն։
Տաթև Ֆռանգյան
