09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Ուկրաինայում պատերազմը կբերի ՆԱՏՕ-ի ընդլայնման․ Ստոլտենբերգ
Քաղաքականություն
29.11.2022 | 20:28
Վլադիմիր Պուտինը փորձում է Ուկրաինայում մոտալուտ ձմեռը որպես զենք օգտագործել պատերազմում։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Բուխարեստում ՆԱՏՕ-ի գագաթնաժողովի մամուլի ասուլիսի ժամանակ, գրում է BBC-ի ռուսական ծառայությունը։
«Մենք պետք է պատաստ լինենք նրան, որ Եվրոպայի մնացյալ մաս ավելի շատ փախստականներ են ժամանելու Ուկրաինայի կենսական օբյեկտներին Ռուսաստանի կանխամտածված հարվածների հետևանքով»,-ասել է Ստոլտենբերգը։
Նա նշել է, որ Պուտինը «ձախողվում է» պատերազմում, ինչը նշանակում է, որ Ուկրաինայի վրա ավելի շատ հարձակումներ կարելի է սպասել։ Դաշինքի գլխավոր քարտուղարն ասել է, որ ռուսական բանակը հարվածներ է հասցնում ուկրաինական քաղաքներին, քանի որ չի կարողանում հետ գրավել օկուպացված տարածքները և դիմակայել ուկրաինական զորքերի առաջխաղացմանը։
«Այսպիսով, այո, մենք կարող ենք սպասել ավելի շատ հարձակումների: Ոչ ոք չի կարող հստակ ասել, թե որքան, բայց նախագահ Պուտինն ու Ռուսաստանը ցույց են տվել տառապանք պատճառելու պատրաստակամություն և դաժանության այնպիսի մակարդակ, որը մենք չենք տեսել Եվրոպայում Երկրորդ համաշխարհային պատերազմից հետո»,-ասել է Ստոլտնբերգը։
Նա նաև նշել է, որ Ուկրաինայում պատերազմը կբերի ՆԱՏՕ-ի ընդլայնմանը։ Ուկրաինա Ռուսաստանի ներխուժման արդյունքը կլինի Վլադիմիր Պուտինի հայտարարած նպատակների հակառակը, քանի որ ՆԱՏՕ-ն ընդլայնվելու է հենց Ուկրաինայի պատերազմի պատճառով: Նրա խոսքով՝ չպետք է թույլ տալ ՌԴ-ի հաղթանակը Ուկրաինայի նկատմամբ, քանի որ դա կնշանակի, որ մյուս ավտորիտար առաջնորդները նույնպես հնարավորություն կունենան բռնություն կիրառել՝ իրենց նպատակներին հասնելու համար։
«Մենք գիտենք, որ պատերազմների մեծ մասը ավարտվում են բանակցությունների սեղանին, սակայն այն, ինչ տեղի է ունենում բանակցությունների սեղանի շուրջ, անքակտելիորեն կապված է այն ամենի հետ, ինչ տեղի է ունենում մարտի դաշտում»,- ասել է ՆԱՏՕ-ի գլխավոր քարտուղարը։
Էմմա Չոբանյան
