Գալիս կեղծ բաներ եք ասում, հետո նեղանում եք՝ ինչու հետևորդ չունեք․ Գաբրիելյանը՝ Մանուկյանին․ ՏԵՍԱՆՅՈւԹ

«Գալիս կեղծ բաներ եք ասում, հետո նեղանում եք՝ ինչու հետևորդ չունեք, ձեզ չեն աջակցում»,- Աժ արտահերթ նիստում «Ազգային անվտանգության մարմինների մասին» օրենքում փոփոխություններ և լրացումներ կատարելու մասին և «Ազգային անվտանգության մարմիններում ծառայության մասին» օրենքում փոփոխություններ և լրացումներ կատարելու մասին նախագծերի փաթեթի քննարկման ժամանակ, դիմելով «Հայաստան» խմբակցության պատգամավոր Գեղամ Մանուկյանին՝ այս մասին նշեց «Քաղաքացիական պայմանագիր» խմբակցության պատգամավոր Սիսակ Գաբրիելյանը։

«Դուք ասում եք՝ նախատեսվող օրենսդրական փոփոխությամբ՝ առանց ընթացակարգերի՝ լիազորություն է տրվում ԱԱԾ-ին վերացնելու արխիվը․ այդպիսի բան չկա»,- ընդգծեց Գաբրիելյանը։

Նշենք, որ «Հայաստան» խմբակցության պատգամավոր Գեղամ Մանուկյանը ԱԺ ամբիոնից մտահոգություն էր հայտնել՝ նշելով․ «Այս օրենքի փոփոխությամբ լիազոր մարմնի՝ ԱԱԾ արխիվային նյութերը կարող են ոչնչացվել օրենքի և այլ իրավական ակտերով սահմանված կարգով։ Մենք փորձում էինք խմբագրել և ամրագրել, որ միայն գաղտնազերծումից հետո կարող են ոչնչացվել ԱԱԾ արխիվային նյութերը, որովհետև այստեղ տեսնում ենք լուրջ վտանգ, հանրային ավտանգության վտանգ, որ ցանկացած պահի, առանց ընթացակարգերն անցնելու ինչ-որ փաստաթղթեր կարող են ոչնչացվել։ Սա է հիմնական անհանգստությունը, որ վաղը չպարզվի, թե ԱԱԾ-ի փաստաթղթերը սկզբից մինչև վերջ՝ ալֆայից մինչև օմեգա անվերադարձ ոչնչացված են։ Իշխանությունը «կամ»-ը և ով» փոխելու մեր նախաձեռնությունն այդպես էլ չընդունեց, մերժեց»։

Մանրամասները՝ տեսանյութում։