26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Զինծառայող է վիրավորվել. ի՞նչ են քննարկել Փաշինյանն ու Պուտինը առանձնազրույցի ընթացքում. ԼՈՒՐԵՐ
Քաղաքականություն
24.11.2022 | 13:56
- Երեկ ժամը 13:20-ի սահմաններում, հայ-ադրբեջանական սահմանագոտու արևելյան հատվածում տեղակայված հայկական մարտական դիրքում հակառակորդի կրակոցից հրազենային վիրավորում է ստացել զինծառայող Ռ. Ա.-ն․ տեղեկացնում են ՀՀ ՊՆ—ից։ Զինծառայողի առողջական վիճակը գնահատվում է բավարար, կյանքին վտանգ չի սպառնում:
- Երևանում երեկ կայացավ ՀԱՊԿ Հավաքական անվտանգության խորհրդի հերթական նիստը` Վարչապետ Նիկոլ Փաշինյանի նախագահությամբ: Հայաստանի, Ռուսաստանի, Բելառուսի, Ղազախստանի, Տաջիկստանի և Ղրղզստանի առաջնորդները նեղ կազմով նիստում քննարկեցին օրակարգում ընդգրկված հարցերը: Նիստից հետո ստորագրման ներկայացվեցին համաձայնեցված փաստաթղթերը: Վարչապետ Փաշինյանը նշեց, որ փաստաթղթերից երկուսը չի ստորագրել:
- ՀԱՊԿ-ի կողմից Հայաստանին օգնություն ցուցաբերելու մասին փաստաթուղթը գրեթե պատրաստ է, սակայն որոշակի լրամշակման կարիք ունի։ Այս մասին հայտարարեց կազմակերպության գլխավոր քարտուղար Ստանիսլավ Զասը երևանյան գագաթնաժողովից հետո կայացած ճեպազրույցում։ Հանդիպումների ընթացքում, ըստ նրա, ամենաակտիվը քննարկվել է երկու փաստաթուղթ։ Դրանցից առաջինը Հայաստանին օգնություն ցուցաբերելու մասին պետությունների ղեկավարների որոշման նախագիծն էր։
- ՀԱՊԿ Հավաքական անվտանգության խորհրդի նիստից հետո տեղի է ունեցել Հայաստանի Հանրապետության վարչապետ Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը: ՌԴ նախագահը շնորհակալություն հայտնեց հրավերի համար՝ շնորհավորելով ՀԱՊԿ-ում,հաջող նախագահության կապակցությամբ։ «Երբ հանդիպեցինք, ավտոմեքենայով գալիս էինք, քննարկեցինք տարածաշրջանային բնույթի հարցեր, այդ թվում՝ տարածաշրջանում կարգավորմանը վերաբերող հարցեր, խոսեցինք տրանսպորտային ենթակառուցվածքների ապաշրջափակման մասին»,- նշել է Պուտինը։ Վարչապետ Փաշինյանն իր հերթին նշել է, որ ՀԱԽ նիստում խոսել են եռակողմ հայտարարություններով ձեռք բերված պայմանավորվածությունների պահպանման մասին: « Դրանք շատ կարևոր հարցեր են, որոնք, իհարկե, պետք է քննարկենք, ինչպես նաև քննարկենք օրակարգը, որը հույս ունենք կբերի մեր տարածաշրջանում երկարատև խաղաղության»,- ասել է Փաշինյանը։
Այս ժամի լուրերը՝ տեսանյութում։
