14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Հայ դպրոցականները՝ համառուսաստանյան օլիմպիադայո՞ւմ. ԿԳՄՍ մամուլի խոսնակի պարզաբանումը
Հասարակություն
14.11.2022 | 13:20
Կրթության, գիտության, մշակույթի և սպորտի նախարարությունն այսօր հաղորդագրություն է տարածել, հայտնելով, որ Ռուսաստանի Դաշնության Տուլայի պետական մանկավարժական համալսարանը կազմակերպում է դպրոցականների համառուսաստանյան Տոլստովյան օլիմպիադա՝ «Ռուս գրականություն», «Պատմություն» և «Հասարակագիտություն» առարկաների գծով: Ըստ գերատեսչության՝ օլիմպիադան կանցկացվի երկու փուլով՝ առաջինը՝ նախընտրական փուլը՝ հեռակա ձևաչափով՝ 2022 թվականի դեկտեմբերի 1-ից մինչև 2023 թվականի հունվարի 24-ն ընկած ժամանակահատվածի համար, իսկ երկրորդ՝ եզրափակիչ փուլն արդեն առկա ձևաչափով:
Factor.am-ը կապ հաստատեց ԿԳՄՍ մամուլի խոսնակ Գեղամ Մելիքբեկյանի հետ՝ պարզելու, թե ինչ սկզբունքով է որոշվել համառուսաստանյան օլիմպիադային հայ դպրոցականների մասնակցության հարցը: Մելիքբեկյանի խոսքով՝ այստեղ որևէ տարօրինակ բան չկա։
«Օլիմպիադայի հայտարարությունը մեզ ուղարկել են մեր ռուս գործընկերները, սա պարտադրանքով չէ, գուցե, որևէ հայ դպրոցական ցանկանա մասնակցել օլիմպիադային: Նման հաղորդագրություններ մենք պարբերաբար ստանում ենք տարբեր երկրներից, լինում է նաև ՅՈՒՆԵՍԿՕ-ից»,- պարզաբանեց ԿԳՄՍ քարտուղարը:
Ռոզա Վարդանյան
