29.04.2026 | 22:45
ՀՀ տարածքում ավտոճանապարհները հիմնականում անցանելի են
ՀՀ-ն 23500 եվրո կվճարի՝ ՄԻԵԴ հերթական վճիռը. Նենսի Փելոսին վերընտրվել է. ԼՈՒՐԵՐ
Քաղաքականություն
09.11.2022 | 16:55
- Արցախի Հանրապետության նախագահ Արայիկ Հարությունյանը նոյեմբերի 9-ին այցելել է Ստեփանակերտի զինվորական պանթեոն և հարգանքի տուրք մատուցել Արցախյան երրորդ պատերազմում նահատակված հերոսների հիշատակին․ տեղեկացնում են Արցախի նախագահի աշխատակազմից:
- ՀՀ ԱԺ նախագահ Ալեն Սիմոնյանն այսօր ընդունել է Լեհաստանի Հանրապետության Սենատի արտաքին հարաբերությունների եւ Եվրոպական միության հարցերով հանձնաժողովի նախագահ Բոգդան Կլիխին․ տեղեկացնում են ՀՀ ԱԺ—ից։ Հանդիպմանը կողմերն ընդգծել են հայ-լեհական միջպետական հարաբերություններում միջխորհրդարանական ակտիվության կարևորությունը։
Եվրոպական խորհրդարանի պատգամավոր Լարս Պատրիկ Բերգը միջազգային հանրության կողմից Ադրբեջանի նկատմամբ ավելի կոշտ դիրքորոշման անհրաժեշտություն է տեսնում, շեշտում՝ Ադրբեջանը պետք է վերադարձնի հայ գերիներին: Պատգամավորը նման տեսակետ է հայտնել «Արմենպրես»-ի հետ զրույցում: Բերգը մտահոգություն է հայտնել, նշելով, որ այս պահին ուշադրությունը Ուկրաինայի և Ասիայի վրա կենտրոնացնելու պայմաններում Ադրբեջանի ղեկավարությունը կհանդգնի շարունակել էսկալացիան: - Մարդու իրավունքների եվրոպական դատարանը «Հովհաննիսյանը և Նազարյանն ընդդեմ Հայաստանի» գործով վճիռ է կայացրել։ Ստրասբուրգյան դատարանն արձանագրել է, որ 2010 թվականին բանակում մահացած Արտակ Նազարյանի գործով Հայաստանի իշխանությունները չեն երաշխավորել զինծառայողի կյանքի իրավունքը և ձախողել քրեական գործի անաչառ քննությունը:
Այս ժամի լուրերը՝ տեսանյութում։
