30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ԳՇ պետը` 50 դիրք կորցնելու տեղեկությունների մասին․ ՏԵՍԱՆՅՈւԹ
Հասարակություն
31.10.2022 | 18:40
«Ներկա դրությամբ օպերատիվ իրադրությունը արևելյան և հարավ-արևելյան սահմանագոտում հարաբերականորեն կայուն է, հիմնականում, հրադադարի ռեժիմի խախտումներ արձանագրվում են արևելյան ուղղությամբ՝Կուտականի, Կախակնի, Սոթքի ուղղություններով, Վայոց ձորում էլ Ջերմուկի ուղղությունով»,- խորհրդարանում լրագրողների հետ զրույցում այս մասին հայտնեց ՀՀ զինված ուժերի գլխավոր շտաբի պետ Էդվարդ Ասրյանը։
ԶՈՒ ԳՇ պետի հաղորդմամբ՝ հակառակորդի կողմից հրադադարի խախտումները լինում են ինչպես նպատակային, այնպես էլ եղանակային անբարենպաստ պայմանների պատճառով:
Էդվարդ Ասրյանի դիտարկմամբ՝ հակառակորդը նպատակային կրակոցներով փորձում է կանխել հայկական կողմի՝ ինժեներական կահավորման աշխատանքների կատարումը:
«Թե քանի դիրք ենք կորցրել՝ 50, 60, թե 70, հստակ չեմ կարող պատասխանել և չեմ կարող մեկնաբանել, թե համապատասխան թվեր ներկայացնող անձինք ինչ նկատի ունեն»,- նշեց ԳՇ պետը։
Մանրամասները՝ տեսանյութում։
