Հասարակություն
31.10.2022 | 15:55Էլի «սուրմալուներ» կա՞ն մեր երկրում. ի՞նչ է արվում նման դեպքերը կանխելու համար․ԱԺ պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում, դիմելով ԱԻ նախարարի տեղակալ Արտյուշ Գրիգորյանին, հետաքրքրվեց ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանը։
«50 հազար դրամ տուգանքով հնարավո՞ր է կանխել այն անտարբերությունը, որ տիրում է նման ձեռնարկություններում»,- հարցրեց պատգամավորը։
ԱԻ նախարարի տեղակալի խոսքով՝ ՀՀ կառավարության հանձնարարությամբ ԱԻՆ-ը մշակում է հրավտնագ նյութերի վերաբերյալ օրենսդրական փոփոխությունների նախագիծ, որի ընդունման արդյունքում հրդեհավտանգ նյութերի ողջ գործունեությունը՝ ներկրում, արտադրություն, պահեստավորում, իրացում և այլն, դառնալու է լիցենզավորված գործունեություն և համապատասխան մարմինների կողմից այդ գործունեությունը վերահսկողության տակ է գտնվելու․ «Այսինքն՝ օրենսդրական կարգավորումների արդյունքում վերահսկողական մեխանիզմներ կարող ենք ունենալ»։
«Ինչ վերաբերում է շենքերի սեյսմակայունությանը, ՀՀ-ն 2020թ․ մշակել է աղետների ռիսկի նվազեցման ազգային ռազմավարություն․ դա չափազանց կարևոր փաստաթուղթ է։ Բազմաթիվ աշխատանքներ ունենք իրականացնելու․ աղետների կանխարգելման գործողությունների ուղղությամբ ևս փորձում ենք օրենսդրական կարգավորումների տեսքով կտրուկ քայլեր իրականացնել՝ հնարավոր աղետների ռիսկերը կանխարգելելու և կառավարելու նպատակով»,- նշեց Գրիգորյանը։
Մանրամասները՝ տեսանյութում։
