13.04.2026 | 15:49
ՀՀ ԱԽ քարտուղարն ու Լիտվայի ԱԳ փոխնախարարը մտքեր են փոխանակել վիզաների ազատականացման գործընթացի շուրջ
Հաջորդ տարվա համար գների նվազում է ենթադրվում․ պարենի գները 5.8 %-ով ցածր կլինեն․ նախարար․ ՏԵՍԱՆՅՈՒԹ
Հասարակություն
31.10.2022 | 11:48
«Աշխարհը դարձել է ավելի զգուշավոր ապագա տնտեսական զարգացումների նկատմամբ․ սա նշանակում է, որ 2023 թվականի ընթացքում, անորոշություններով պայմանավորված, արտաքին միջավայրի հետ կապված ավելացող ռիսկեր կան»,- 2023թ. պետական բյուջեի նախագծի քննարկմանը հայտարարեց ՀՀ ֆինանսների նախարար Տիգրան Խաչատրյանը:
«Աշխարհի համար եկող տարվա տնտեսական աճը, ներկայում գնահատվելով 2,7 տոկոս, ավելի ցածր է, քանի ապրիլին կատարվող գնահատականները, որոնք 3,6 տոկոս ենթադրություն ունեին», – ասաց նախարարը:
Խաչատրյանը ներկայացրեց մի քանի գործոններ, որոնք ազդում են Հայաստանում տնտեսական զարգացումների վրա:
«Առաջին հերթին, մենք ուշադրություն ենք հրավիրել պղնձի միջազգային գների վրա։ Այս գործոնը բավական մեծ նշանակություն ունի Հայաստանում տնտեսական աճի ու տնտեսական ակտիվության ցուցանիշների տեսակյունից: Երք տարվա կտրվածքով՝ գները նվազման ուղղությամբ են կանխատեսվում. եթե 2021-ին պղնձի գինը 9 հազար 317 դոլար է կազմել, ապա այս տարվա համար կանխատեսվում է, որ այն կգտնվի 8 900-ի սահմաններում ու եկող տարվա համար այն կգտնվի 8 000 դոլարից ոչ ավելի բարձր մակարդակի վրա: Որոշակի նվազում է նախատեսվում նաև նավթի միջազգային գների ուղղությամբ, եկող տարվա համար այն կգտնվի 90 դոլարի սահմաններում, մոլիբդենի միջազգային գինը, ենթադրվում է, որ եկող տարվա համար կմնա նույն մակարդակի վրա», – նշեց Խաչատրյանը:
Նրա խոսքով ՝ ըստ Արժույթի միջազգային հիմնադրամի՝ պարենի միջազգային շուկայում գները կկազմեն մոտ 14,2 տոկոս:
«Լավ լուրն այն է, որ եկող տարվա համար գների որոշակի նվազում է ենթադրվում. 2023-ի համար կանխեսվում է, որ պարենի գները 5,8 տոկոսով ավելի ցածր կլինեն, քան՝ այս տարի», -ընդգծեց Խաչատրյանը:
Մանրամասները՝ տեսանյութում։
