31.10.2026 | 15:35
Առաջիկա օրերին հանրապետության առանձին շրջաններում անձրև կտեղա
Համաշխարհային հայկական գագաթնաժողովի շրջանակներում քննարկումները կօգնեն հասկանալ՝ ինչպես ճիշտ պաշտպանել ՀՀ-ի շահերը սփյուռքում. Վիենի փոխքաղաքապետ
Քաղաքականություն
29.10.2022 | 19:46
Ֆրանսիայի Վիեն քաղաքի փոխքաղաքապետ Լևոն Սաքունցի համոզմամբ՝ Համաշխարհային հայկական գագաթնաժողովի շրջանակներում քննարկումները կօգնեն հասկանալ, թե ինչպես կարելի է ավելի լավ պաշտպանել Հայաստանի շահերը սփյուռքում և ինչպես ավելի լավ ինքնակազմակերպվել սփյուռքում։
«Սա շատ կարևոր առիթ է, որպեսզի մենք տարբեր պետություններից հավաքվելով Հայաստանում՝ միասին քննարկենք, թե ինչպես կարելի է ավելի լավ պաշտպանել Հայաստանի շահերը սփյուռքում և ինչպես ավելի լավ ինքնակազմակերպվել սփյուռքում»,- «Արմենպրես»-ի հաղորդմամբ՝ ասել է Սաքունցը։
Նա նշեց, որ ապրելով Ֆրանսիայում, ունենալով հայկական արմատներ՝ իր առօրյայում փորձում է օգտակար լինել Հայաստանի շահերի պաշտպանությանը։ Նրա խոսքով՝ անկախ ամեն ինչից, սփյուռքը պետք է արագ և ակտիվ աշխատի, որպեսզի Հայաստանի շահերը շարունակվեն պաշտպանվել։
«Ես կարծում եմ, որ Հայաստանի կառավարությունը պետք է էլ ավելի կարևորի սփյուռքի դերը։ Սփյուռքը մեծ ներուժ է, որը հնարավոր է էլ ավելի լավ օգտագործել։ Յուրաքանչյուր պետությունում ունենք մեկական դեսպան, 2-3 հյուպատոս, միաժամանակ, ունենք հարյուր հազարավոր փոքր «դեսպաններ»։ Իրենց հետ ճիշտ գործակցելու արդյունքում Հայաստանը կունենա բոլորից տարբերվող արտաքին քաղաքականություն»,- եզրափակել է նա։
