09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Սպառնալիքի լեզվով չե՛ք կարող խոսել ՀՀ ժողովրդի ընտրած իշխանության հետ․ Արմեն Փամբուխչյանը՝ Զատուլինի հայտարարության մասին․ ՏԵՍԱՆՅՈՒԹ
Քաղաքականություն
28.10.2022 | 19:47
ՌԴ Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլինը, ում մուտքն արգելվեց Հայաստան, Լազարևյան ակումբի նիստում խորհուրդ տվեց Հայաստանում այն մարդկանց, ովքեր գնում են Արևմուտքի միջնորդությամբ Ադրբեջանի հետ պայմանագիր կնքելու՝ դուրս թողնելով ՌԴ-ին, հիշեն, թե ինչ եղավ Եգիպտոսի նախագահ Սադաթի ճակատագիրը։
Հիշեցում՝ Սադաթը 1978 թվականին Արևմուտքի միջնորդությամբ կնքեց խաղաղության պայմանագիր Իսրայելի հետ, ինչից 3 տարի հետո ազգայնականները նրան սպանեցին։
Factor TV-ին տված հարցազրույցում «Քաղաքացիական պայմանագիր» կուսակցության վարչության անդամ, ԱԻ նախարար Արմեն Փամբուխչյանին հարց ուղղեցինք՝ արդյո՞ք սա անուղղակի սպառնալիք չէ ՀՀ իշխանություններին, այսինքն՝ կարելի է ենթադրել, որ ՀՀ-ում կան ուժեր, որոնք պատրաստ են սպանե՞լ Փաշինյանին, և այդ մասի՞ն է խոսում Զատուլինը։
«Ես կարծում եմ՝ Զատուլինին համարժեք արձագանք կլինի, և Հայաստանը կարձագանքի այդ հայտարարություններին։ Իսկ մնացած մասով՝ ես կարծում եմ, որ ոչ ոք չի կարող խոսել սպառնալիքի լեզվով Հայաստանի ժողովրդի ընտրած իշխանության հետ»,- ասաց ՀՀ կառավարող ուժի ներկայացուցիչը։
Հարցազրույցն ամբողջությամբ՝ տեսանյութում։
Ռոբերտ Անանյան
