16.09.2026 | 11:42
«Ուժեղ Հայաստանը» Տիգրանաշենում զբոսաշրջային կենտրոն կստեղծի․ Անուշ Միրզոյան․ ՏԵՍԱՆՅՈՒԹ
Իլոն Մասկը ստանձնել է Twitter-ի ղեկավարումը․ գործարքը 44 մլրդ դոլար է արժեցել
Քաղաքականություն
28.10.2022 | 15:00
Ամերիկացի բիզնես մագնատ Իլոն Մասկը ստանձնել է Twitter ընկերության ղեկավարումը, իսկ դրա նախկին ղեկավարությունը լքել է կազմակերպության գլխավոր գրասենյակը։ Այս մասին հայտնել է CNBC-ի թղթակից Դեյվիդ Ֆաբերը՝ վկայակոչելով սեփական աղբյուրները։
«Իլոն Մասկն այժմ ղեկավարում է Twitter-ը։ Ինձ տեղեկացրել են, որ նախկին գլխավոր տնօրեն Փարագ Ագրավալն ու ֆինանսական տնօրեն Նեդ Սիգալը հեռացել են գլխավոր գրասենյակից և այլևս չեն վերադառնա, քանի որ սկսվում է Մասկի դարաշրջանը»,- նշել է լրագրողը։
Միլիարդատերն էլ Twitter-ում գրել է, որ «թռչունն ազատված է»՝ ակնհայտորեն ակնարկելով գնման ավարտի մասին:
Financial Times-ի փոխանցմամբ՝ Մասկն արդեն փակել է ընկերության գնման գործարքը։
Ապրիլին Twitter-ի ղեկավարները հայտարարել էին, որ Մասկն առաջարկել է ձեռք բերել սոցցանցը 44 միլիարդ դոլարով: Մայիսին էլ ձեռնարկատերը հայտարարել էր, որ փորձում է տեղեկատվություն ստանալ ընկերությունից այն մասին, որ կեղծ օգտահաշիվները և գովազդային հաղորդագրությունների զանգվածային տարածման համար նախատեսված օգտահաշիվները կազմում են սոցիալական ցանցում հաշիվների ընդհանուր թվի 5%-ից պակասը:
Նրան նման տվյալներ չեն տրամադրվել, իսկ հուլիսի սկզբին Մասկի փաստաբաններն ընկերությանը հայտնել են, որ նա հրաժարվում է ընկերությունը գնելուց։ Հուլիսի 12-ին Twitter-ը դատական հայց է ներկայացրել՝ փորձելով ստիպել Մասկին կատարել իր պարտավորությունները։
Տաթև Ֆռանգյան
