18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բաքվից հայտարարել են, թե Երևանից իրական քայլեր են ակնկալում խաղաղության պայմանագիր ստորագրելու համար
Քաղաքականություն
28.10.2022 | 13:07
Ադրբեջանը հուսով է, որ Հայաստանն իրական քայլեր կձեռնարկի Բաքվի հետ խաղաղության պայմանագիր կնքելու համար և չի հետաձգի գործընթացը։ Այս մասին հայտարարել է Ադրբեջանի Միլլի Մեջլիսի նախագահ Սահիբա Գաֆարովան ելույթ ունենալով ԱՊՀ Միջխորհրդարանական վեհաժողովի (ՄԽՎ) 54-րդ լիագումար նիստում, փոխանցում է ՏԱՍՍ-ը։
«Մենք հուսով ենք, որ Հայաստանը քաղաքական կամք կդրսևորի, չի ձգձգի այս գործընթացը և իրական քայլեր կձեռնարկի խաղաղության պայմանագիր ստորագրելու համար»,- ասել է Ադրբեջանի խորհրդարանի նախագահը։
Նա ընդգծել է, որ Ադրբեջանը խաղաղություն է առաջարկել Հայաստանին՝ «միջազգային իրավունքի համընդհանուր ճանաչված հինգ սկզբունքների հիման վրա»։
Ըստ ադրբեջանցի պաշտոնյայի՝ երկու երկրների ղեկավարների և արտգործնախարարների, ինչպես նաև սահմանազատման հարցով հանձնաժողովների վերջին հանդիպումները, մոտ ապագայում նախատեսված հանդիպումները «որոշակի լավատեսություն են ներշնչում խաղաղ գործընթացի հետ կապված»։
Տաթև Ֆռանգյան
