Հասարակություն
27.10.2022 | 16:54Այսօր Ստեփան Դեմիրճյանը, «Հանրապետություն» կուսակցության նախագահ Արամ Սարգսյանը ԱԺ փոխխոսնակ Հակոբ Արշակյանի և ՔՊ պատգամավորների հետ ծաղիկ խոնարհեցին ԱԺ այգում տեղադրված Հոկտեմբերի 27-ի զոհերի հուշարձանի մոտ:
Լրագրողների հետ զրույցում անդրադառնալով դիտարկմանը, որ շատերն ասում են՝ այն, ինչ տեղի ունեցավ 23 տարի առաջ, ուղիղ կապ ունի այսօրվա Հայաստանի իրավիճակի հետ, և հարցին՝ դուք կապ տեսնո՞ւմ եք՝ Ստեփան Դեմիրճյանը պատասխանեց. «Այն առումով, որ դա ծանրագույն հարված հասցրեց մեր պետականությանը, մեր պետությանը, իհարկե, կա ուղիղ կապ:
Հոկտեմբերի 27-ի ոճրագործության հետևանքները իրենց զգացնել են տալիս առ այսօր միանշանակ: Եվ գործի բացահայտումը պետք է ոչ միայն հարազատներին, դա պետք է մեր պետությանը, մեր ժողովրդին:
Նախկինում մենք բազմիցս ենք ասել, որ կոծկվեց, ըստ էության, գործը: Հիմա ես զերծ կմնամ, սպասենք, տեսնենք ինչ կասի ԱԱԾ-ն»:
Մանրամասները՝ տեսանյութում։
