06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
Սա շանտաժ է․ Պուտինը գրել է նոյեմբերի 9-ը, Զատուլինի ձեռքով ՀՀ-ի՞ն եք մեղադրում միջանցք տալու մեջ․ Նորայր Նորիկյան. ՏԵՍԱՆՅՈՒԹ
Քաղաքականություն
27.10.2022 | 19:02
Հոկտեմբերի 31-ին Վլադիմիր Պուտինի հրավերով Սոչիում կկայանա եռակողմ հանդիպում՝ Նիկոլ Փաշինյանի և Իլհամ Ալիևի մասնակցությամբ։ ՌԴ-ից այդ հանդիպմանն ընդառաջ պրոմիջանցքային երկու հայտարարություն է հնչել։ Նախ՝ ՌԴ փոխվարչապետ Օվերչուկը բաց ասում է՝ «Հյուսիս-Հարավ» միջազգային տրանսպորտային միջանցքի արևմտյան երթուղին Հայաստանի փոխարեն կարող է անցնել Ադրբեջանով և Իրանով, եթե Հայաստանը չլուծի տրանսպորտային շրջափակման հարցը՝ կառուցվում է ՀՀ-ն շրջանցող ճանապարհ։ Եվ նաև՝ ՌԴ Պետդումայի պատգամավոր Զատուլինն է բաց միջանցք պահանջում։
Կարելի՞ է ենթադրել, որ Փաշինյանի վրա փորձելու են առաջիկա հանդիպմանը Ալիևն ու Պուտինը ճնշումներ բանեցնել։ «Արդար Հայաստան» կուսակցության ղեկավար Նորայր Նորիկյանը Factor TV-ին տված հարցազրույցում հիշեցնում է, թե ով է նոյեմբերի 9-ի հայտարարության հեղինակը, որին հղում է անում Իլհամ Ալիևը՝ միջանցք պահանջելով ՀՀ-ից։
«Ես ուզում եմ բաց խոսենք մեր ժողովրդի հետ՝ նոյեմբերի 9-ի հայտարարության հեղինակը Վլադիմիր Պուտինն է, ինքը խոստովանել է, որ անձամբ ինքն է գրել այդ հայտարարությունը։ Հետևաբար, պետք չէ մեղանչել ճշմարտության դեմ։ Այսօր Զատուլինի շուրթերով մեղադրել ՀՀ-ին, որ մենք ենք տվել միջանցքը՝ Փաշինյանի ձեռամբ, մի քիչ ազնիվ չէ։ Եթե այդ հայտարարության հեղինակն ու ճարտարապետը Պուտինն է, և իրենք այդ կետը դրել են, որ պետք է կորզել միջանցք ՀՀ-ից, սխալ է ՀՀ-ին մեղադրել այդ հարցով։ Օվերչուկի ասածը շանտաժ է։ Եղբա՛յր, փակեք միջանցքի թեման»,- նշեց Նորայր Նորիկյանը։
Հարցազրույցն ամբողջությամբ՝ տեսանյութում։
Ռոբերտ Անանյան
