13.04.2026 | 15:49
ՀՀ ԱԽ քարտուղարն ու Լիտվայի ԱԳ փոխնախարարը մտքեր են փոխանակել վիզաների ազատականացման գործընթացի շուրջ
Սինանյանը` Գարեգին Բ-ի և Արամ Ա-ի հայտարարության մասին․ ՏԵՍԱՆՅՈՒԹ
Քաղաքականություն
27.10.2022 | 15:37
Հայաստան-Սփյուռք համաժողովի հրավերները եղել են անհատներին, որևէ կազմակերպություն հրավեր չի ստացել։ Այս մասին այսօր լրագրողների հետ զրույցում ասաց Սփյուռքի հարցերով հանձնակատար Զարեհ Սինանյանը՝ նշելով, որ կարող է անգամ հանրայանցնել ուղարկված նամակները։
Հարցին, թե կաթողիկոսներն ինչ հիմնավորմամբ են մերժել հրավերը, Սինանյանն պատասխանեց․ «Իրենք նամակ են գրել, որի մեջ ոչ շատ կոնկրետ նշել են, որ նպատակահարմար չեն գտել և այլն, երևի նպատակահարմար չեն գտել»։
Սինանյանը անհեթեթություն որակեց այն խոսակցությունները, թե Սփյուռքում իրեն և առհասարակ օրվա իշխանություններին ոչ բարյացակամ են վերաբերում։
«Նույն դաշնակցական երիտասարդների խումբն է, նրանք Սփյուռքի 0․001 տոկոսն են կազմում․․․ Այդ թևը Դաշնակցության անօրինական թևն է, որովհետև Արևմտյան ափի կենտրոնական կոմիտեն բաղկացած է շատ հայրենասեր, գաղափարական դաշնակցականներից։ Մի օրինակ բերեմ, Միացյալ նահանգներում 10 օրվա մեջ ես ունեցել եմ 39 հանդիպում և այդ անօրինական թևը մոբիլիզացրել է մի խումբ երեխաների ու կարողացել մոտ 45 րոպեով խանգարել 39 հանդիպումներից մեկը»,- նշեց Սինանյանը։
Հարցին՝ մտավախություն չկա՞, որ Հայաստան-Սփյուռք համաժողովը կտապալվի մասնակիցների չներկայանալու պատճառով, Սինանյանը նշեց ոչ։
Մանրամասները՝ տեսանյութում։
